Day: October 8, 2025

ବୌଦ୍ଧଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଥାନା କୃଷ୍ଣପାଲି ଛକ ନିକଟରେ ବାଇକ୍ ଧକ୍କାରେ ଜଣଙ୍କ ମୃତ୍ୟୁ ହୋଇଛି l ମୃତକ ହେଲେ କୃଷ୍ଣପାଲି ଗ୍ରାମର ପ୍ରଫୁଲ୍ଲ ବେହେରା (୫୮ ବର୍ଷ) l ଏହି ଦୁର୍ଘଟଣାରେ ବାଇକ୍‌ରେ ବସିଥିବା ଗଙ୍ଗା ନାମକ ଜଣେ ଯୁବକ ଗୁରୁତର ହୋଇଛନ୍ତି । ସୂଚନା ମୁତାବକ, ମଙ୍ଗଳବାର ବିଳମ୍ବିତ ରାତିରେ ତିଳେଶ୍ୱର ଗ୍ରାମରୁ ନିଜ ଗାଁକୁ ଫେରୁଥିଲେ ପ୍ରଫୁଲ୍ଲ ବେହେରା । ଏହି ସମୟରେ ହଠାତ ଏକ ବାଇକ୍‌କୁ ପଛରୁ ଧକ୍କା ଦେଇଥିଲା l ଫଳରେ ପ୍ରଫୁଲ୍ଲ ଦୂରକୁ ଛିଟିକି ହୋଇ ପଡ଼ିଥିଲେ l ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା l ପରିବାର ଲୋକେ ଉଦ୍ଧାର କରି ବୌଦ୍ଧ ମେଡିକାଲକୁ ନେଇଥିଲେ l ସେଠାରେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି l ବାଇକ୍‌ରେ ବସିଥିବା ଗଙ୍ଗା ନାମକ ଯୁବକ ଗୁରୁତର ହୋଇ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର ହୋଇଥିବା ଜଣାଯାଇଛି l ଏନେଇ ପୁଲିସ ନିକଟରେ ଏପଯ୍ୟନ୍ତ ମାମଲା ହୋଇନଥିବା କୁହାଯାଇଛି ।