ହାଇ ସିକ୍ୟୁରିଟି ଜୋନରେ ଲୁଟେରାଙ୍କ ହଲ୍ଲାବୋଲ । ଜଗନ୍ନାଥଙ୍କୁ ବି ଛାଡିଲେନି ଲୁଟେରା । ଭୁବନେଶ୍ବର ଏଜି ଛକ ନିକଟ ଜଗନ୍ନାଥ ମନ୍ଦିର ହୁଣ୍ଡି ଭାଙ୍ଗି ଲୁଟିବାକୁ ଉଦ୍ୟମ ହୋଇଛି । ସିସିଟିଭିରେ କଏଦ ହୋଇଛି ଲୁଟେରାଙ୍କ କାରନାମା । ମୁହଁରେ କପଡା ବାନ୍ଧି ରାତି ପ୍ରାୟ ୧ ଟା ୫୦ ବେଳେ ହାତରେ ମାରଣାସ୍ତ୍ର ଧରି ଆସୁଛି ଲୁଟେରା । ଦାନବାକ୍ସ ଲୁଟିବା ପାଇଁ ଉଦ୍ୟମ କରୁଛି। ସିସିଟିଭି ତାର କାଟିବା ପରେ ଗେଟରେ ଲାଗିଥିବା ତାଲା ଭାଙ୍ଗିବା ପାଇଁ ଉଦ୍ୟମ କରୁଛି । ପାଖାପାଖି ୧୫ ମିନିଟ ଧରି ଲୁଟେରା ତାର ଉଦ୍ୟମ ଜାରି ରଖିଥିଲା । ପୂର୍ବରୁ ୨ ବର୍ଷ ତଳେ ମଧ୍ୟ ଠିକ ସମାନ ଢଙ୍ଗରେ ଲୁଟ ଉଦ୍ୟମ ହୋଇଥିଲେ ସୁଦ୍ଧା ଆଜି ପର୍ଯ୍ୟନ୍ତ ଅପରାଧୀଙ୍କୁ ଧରିବାରେ ସକ୍ଷମ ହୋଇପାରିନି ପୋଲିସ ।