
ପ୍ରକାଶ ପାଇଲା ସ୍ପେଶାଲ୍ OTET-୨୦୨୫ ରେଜଲ୍ଟ । ସେପ୍ଟେମ୍ବର ୨୭ ତାରିଖରେ ହୋଇଥିବା ପରୀକ୍ଷାର ରେଜଲ୍ଟ ପ୍ରକାଶ ପାଇଛି । ମୋଟ ୭୨ ହଜାର ୪୧୩ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ୪୮ ହଜାର ୧୫୩ ଜଣ କୃତକାର୍ଯ୍ୟ ହୋଇଛନ୍ତି। ମୋଟ ପାସ୍ ହାର ୬୬.୫୦% ରହିଛି।
ପେପର-୧ରେ ପରୀକ୍ଷା ଲାଗି ୨୯ ହଜାର ୪ଜଣ ଆବେଦନକାରୀଙ୍କ ମଧ୍ୟରୁ ୨୭ ହଜାର ୫୩୩ ଜଣ ପରୀକ୍ଷା ଦେଇଥିଲେ। ଏଥିରୁ ୧୨ ହଜାର ୯୯୮ଜଣ ପାସ କରିଛନ୍ତି। ପାସ ହାର ୪୭. ୧୭% ରହିଛି। ସେହିପରି ପେପର-୨ରେ ଆବେଦନରତ ୪୬ ହଜାର ୩୩୯ଜଣ ଶିକ୍ଷକଙ୍କ ମଧ୍ୟରୁ ୪୪ ହଜାର ୮୮୦ ପରୀକ୍ଷା ଦେଇଥିଲେ। ଏଥିରୁ ୩୫ହଜାର ୧୬୫ ଜଣ ପାସ କରିଛନ୍ତି। ଏଥିରେ ପାସ ହାର ୭୮. ୩୫% ରହିଛି। ପ୍ରାର୍ଥୀମାନେ ବୋର୍ଡ ୱେବସାଇଟରୁ ସେମାନଙ୍କ ପରୀକ୍ଷା ଫଳ ସମ୍ପର୍କିତ ସବିଶେଷ ତଥ୍ୟ ପାଇପାରିବେ ବୋଲି ବୋର୍ଡ ସଭାପତି କହିଛନ୍ତି। ପାସ କରିଥିବା ଶିକ୍ଷକମାନେ ଆଜିଠାରୁ ଆସନ୍ତା ଜାନୁଆରୀ ୧୫ତାରିଖ ଯାଏ ବୋର୍ଡ ୱେବସାଇଟରୁ ଡାଉନଲୋଡ କରି ସେମାନଙ୍କ ଡିଜିଟାଲ ସାର୍ଟିଫିକେଟ ପାଇପାରିବେ ବୋଲି ବୋର୍ଡ କର୍ତ୍ତୃପକ୍ଷ ସୂଚନା ଦେଇଛନ୍ତି। www.bseodisha.ac.inରେ ପରୀକ୍ଷାର୍ଥୀମାନେ ରେଜଲ୍ଟ ଦେଖିପାରିବେ।

