
ସୁନ୍ଦରଗଡ଼ ଜିଲ୍ଲା କିଞ୍ଜିରକେଲା ଥାନା ବିଷ୍ଣୁପୁର ଗାଁ ନିକଟ ମୁଖ୍ୟ ରାସ୍ତାରେ ଦୁର୍ଘଟଣା । ବାଇକ୍କୁ ପଛରୁ ଧକ୍କାଦେଲା ବାଉଁଶ ବୋଝେଇ ଗାଡ଼ି । ଦୁର୍ଘଟଣାରେ ଅବସରପ୍ରାପ୍ତ ଶିକ୍ଷକ ଚିତ୍ରମଣି କାଲୋଙ୍କ ମୃତ୍ୟୁ ହୋଇଛି ।
ସୂତନା ମୁତାବକ, ଦେଓଭୁବନପୁର ପଞ୍ଚାୟତ ଅନ୍ତର୍ଗତ ଦୁବେଦାଣ୍ଡ ଗ୍ରାମର ବାସିନ୍ଦା ଚିତ୍ରମଣି କାଲୋ ଏକ ବାଇକ୍ରେ ଦୁବେଦାଣ୍ଡରୁ କିଞ୍ଜିରକେଲା ଅଭିମୁଖେ ଯାଉଥିଲେ । ସୋମବାର ସକାଳ ପ୍ରାୟ ୧୦ଟାରେ ଗୋଟିଏ ଅଜଣା ଲୋକ ବାଉଁଶ କାଟି ବୋହିକି ନେଉଥିବା ସମୟରେ ବାଇକ୍ଟିକୁ ପଛରୁ ଧକ୍କା ଦେଇଥିଲା। ଏହି ଦୁର୍ଘଟଣାରେ ବାଇକ୍ ଚାଳକ ଗୁରୁତର ହୋଇ ପଡିଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି କିଞ୍ଜିରକେଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କ ମୃତ୍ୟୁ ହୋଇଛି ।
ସେପଟେ ଘଟଣା ସମ୍ବନ୍ଧରେ ପରିବାର ଲୋକେ କିଞ୍ଜିରକେଲା ପୁଲିସକୁ ସୂଚନା ଦେଇଥିଲେ। ପୁଲିସ ଘଟଣାସ୍ଥଳ ପହଞ୍ଚି ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛି। ଏହା ସହିତ, ବାଉଁଶ ବୋହିକି ନେଉଥିବା ଅଜଣା ବ୍ୟକ୍ତିଙ୍କ ପରିଚୟ ଓ ଘଟଣାର ସଠିକ୍ ପରିସ୍ଥିତି ବିଷୟରେ ପୁଲିସ ତଦନ୍ତ ଆରମ୍ଭ କରିଛି।

