ବ୍ରହ୍ମପୁର ସ୍ବତନ୍ତ୍ର କୋର୍ଟ SI ନିଯୁକ୍ତି ପରୀକ୍ଷା ଦୁର୍ନୀତି ମାମଲାରେ ୧୧୪ ପରୀକ୍ଷାର୍ଥୀଙ୍କୁ ଜାମିନ ମଞ୍ଜୁର କରିଛି। ପ୍ରତ୍ୟେକ ପରୀକ୍ଷାର୍ଥୀ ପାଇଁ ୫୦ ହଜାର ଟଙ୍କା ବଣ୍ଡ ଓ ଦୁଇଜଣ ଜାମିନଦାର ଦ୍ୱାରା ଜାମିନ ମଞ୍ଜୁର ହୋଇଛି।
ଗତ ୩୦ ତାରିଖରେ, ଆନ୍ଧ୍ରପ୍ରଦେଶର ବିଜୟନଗର ଅଭିମୁଖେ ୩ ବସରେ ଯାଉଥିବା ପରୀକ୍ଷାର୍ଥୀଙ୍କୁ ଶ୍ରୀକାକୁଲମ ରାସ୍ତାରୁ ଉଦ୍ଧାର କରି ଗୋଳନ୍ଥରା ଥାନା ଫେରାଇ ଆଣିଥିଲା ବ୍ରହ୍ମପୁର ଜିଲ୍ଲା ପୋଲିସ । ସେମାନେ ଟଙ୍କା ଦେଇ ଅସଦ ଉପାୟରେ ଚାକିରୀ ପାଇବା ପାଇଁ ଉଦ୍ୟମ କରିଥିବା ପୋଲିସ ଜାଣିବା ପରେ ୩ଦଲାଲଙ୍କ ସହ ୧୧୪ ଜଣ ପରୀକ୍ଷାର୍ଥୀଙ୍କୁ ଗୋଳନ୍ଥରା ଥାନା ପୋଲିସ ଗତ ୧ ତାରିଖରେ ଗିରଫ କରି ଜେଲ ପଠାଇଥିଲା ।
ଅନ୍ୟପଟେ ପୋଲିସ ଗିରଫ ପରୀକ୍ଷାର୍ଥୀଙ୍କ ବିରୋଧରେ କୌଣସି ତଥ୍ୟ ପ୍ରଦାନ କରି ନପାରିବାରୁ କୋର୍ଟ ଜାମିନ ପ୍ରଦାନ କରିଛନ୍ତି ବୋଲି ସେମାନଙ୍କ କେସ ଲଢ଼ୁଥିବା ଓକିଲ କହିଛନ୍ତି ।