ଭଦ୍ରକ ଜିଲ୍ଲାରୁ ଅପହୃତ ହୋଇଥିବା ଜଣେ ମାନସିକ ଭିନ୍ନକ୍ଷମ ମହିଳାକୁ କେନ୍ଦୁଝର ଝୁମ୍ପୁରା ଅଞ୍ଚଳରୁ ପୋଲିସ ଉଦ୍ଧାର କରିଛି। ଏହି ଘଟଣାରେ ଜଡିତ ଟ୍ରକ ଡ୍ରାଇଭରକୁ ଗିରଫ କରିଛି ପୋଲିସ। ଉଦ୍ଧାର ହୋଇଥିବା ମହିଳାଙ୍କୁ ଚିକିତ୍ସା ପାଇଁ ଭଦ୍ରକ ମେଡିକାଲକୁ ପଠାଯାଇଛି।
ସୂଚନା ଅନୁସାରେ, ଭଦ୍ରକ ଟାଉନ ଥାନା ଅଧୀନରେ ଥିବା ଚରମ୍ପା ୧୬ ନମ୍ବର ଜାତୀୟ ରାଜପଥ ଫାଣ୍ଡିଛକ ନିକଟରେ ବିଳମ୍ବିତ ରାତିରେ ଜଣେ ମାନସିକ ଭିନ୍ନକ୍ଷମ ମହିଳାଙ୍କୁ ଟ୍ରକ ଡ୍ରାଇଭର ଜୋରଜବରଦସ୍ତି କରି ଗାଡିରେ ଉଠାଇ ନେଇଥିଲା। ସମଗ୍ର ଘଟଣା ସିସିଟିଭି କ୍ୟାମେରାରେ କଏଦ ହୋଇଥିଲା।
ଘଟଣା ଜଣାପଡିବା ସହିତ, ପୋଲିସ ତ୍ୱରିତ ତଦନ୍ତ ଆରମ୍ଭ କରି ଟ୍ରକର ଟ୍ରେସ ମିଳିଲାପରେ ଅଭିଯୁକ୍ତ ଡ୍ରାଇଭରକୁ ଧରି ଆଣିଛି। ପୋଲିସ ଅଧିକାରୀଙ୍କ ଅନୁସାରେ, ଅଭିଯୁକ୍ତ ବିରୋଧରେ ଗୁରୁତର ଧାରାରେ ମାମଲା ରୁଜୁ କରାଯାଇଛି ଏବଂ ତଦନ୍ତ ଚାଲିଛି।