ଜନଶୁଣାଣି କାର୍ଯ୍ୟରେ ଗୁରୁତ୍ୱପୂର୍ଣ୍ଣ ଅବହେଳା ପାଇଁ କଟକ ଜିଲ୍ଲାର ୯୧ ଜଣ ସରକାରୀ ଅଧିକାରୀଙ୍କ ନଭେମ୍ବର ମାସର ଦରମା ବନ୍ଦ କରିବାକୁ ଆଦେଶ ଜାରି କରିଛନ୍ତି କଟକ ଅତିରିକ୍ତ ଜିଲ୍ଲାପାଳ ଶିବ ଟପ୍ପୋ।
ଏହି ଆଦେଶକୁ ଜିଲ୍ଲା ଟ୍ରେଜେରୀ ଅଫିସରଙ୍କୁ ପଠାଯାଇଛି ଏବଂ ସମ୍ପୂର୍ଣ୍ଣ ୯୧ ଜଣ ଅଧିକାରୀଙ୍କ ଦରମା ରୋକିବାକୁ ସ୍ପଷ୍ଟ ନିଦେଶ ଦିଆଯାଇଛି।
ତାଲିକାରେ ଅଛନ୍ତି କଟକର କେତେକ ଶୀର୍ଷ ଅଧିକାରୀ—
ସିଏମସି କମିଶନର, କଟକ ଏସପି, କଟକ ସବ୍-କଲେକ୍ଟର, କଟକ ସିଡିଏମଓ, କଟକ ଡିଇଓ, ବାରଙ୍ଗ, ବଡ଼ମ୍ବା, ମାହାଙ୍ଗା, ନିଆଳି, ସାଲେପୁରର ତହସିଲଦାରମାନେ, କଟକ ଡିସିପି ସମେତ ଅନ୍ୟାନ୍ୟ ବରିଷ୍ଠ ଅଧିକାରୀମାନେ
ଜନଶୁଣାଣି ଭଳି ଲୋକମୁଖୀ କାର୍ଯ୍ୟକ୍ରମରେ ସମୟମେ ଉପସ୍ଥିତ ନହେବା ଓ ଦାୟିତ୍ୱରେ ଅବହେଳା କରିବାକୁ ଅତିରିକ୍ତ ଜିଲ୍ଲାପାଳ ଗୁରୁତ୍ୱ ସହକରି ନେଇଛନ୍ତି। ଏହି ପଦକ୍ଷେପ ଦ୍ୱାରା ଶାସନଶୃଙ୍ଖଳା ଓ ପୂର୍ଣ୍ଣ ଦାୟିତ୍ୱବୋଧ ସ୍ଥାପନ ହେବାର ଆଶା ବ୍ୟକ୍ତ ହେଉଛି।