ସରକାର ରାଜ୍ୟରେ ବାଲି ବିକ୍ରିରେ Minimum Support Price (MSP) ଲାଗୁ କରିବାକୁ ମହତ୍ତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି। ଏହାଫଳରେ ଲିଜ୍ ଧାରୀମାନେ ମନ ଇଚ୍ଛା ଦର ବଢାଇପାରିବେ ନାହିଁ। ସରକାର ନିର୍ଦ୍ଧାରିତ MSP ଦରରେ ହିଁ ବାଲି ବିକ୍ରି କରିବାକୁ ପଡିବ।
ସମଗ୍ର ରାଜ୍ୟରେ ଏବେ ଗୋଟିଏ ଦରରେ ବାଲି ବିକ୍ରି ହେବା ନିଶ୍ଚିତ ହେବାରୁ ଦର କମିବା ସହିତ ଲୋକମାନେ ସୁଲଭ ମୂଲ୍ୟରେ ବାଲି ପାଇପାରିବେ। ଏହାସହ ଲିଜ୍ ବଣ୍ଟନ ପ୍ରକ୍ରିୟାକୁ ପାରଦର୍ଶୀ କରିବା ପାଇଁ e-Lottery ମାଧ୍ୟମରେ ଲିଜ୍ ଦିଆଯିବ।
ସରକାର ଏହାସହ ବାଲି କିମ୍ବା ଅନ୍ୟ ଲଘୁ ଖଣିଜ ପଦାର୍ଥ ଗଚ୍ଛିତ କରି ରଖିବା ପାଇଁ Storage License ଦେବାକୁ ମଧ୍ୟ ନିଷ୍ପତ୍ତି ନେଇଛନ୍ତି । Storage License ବିନା କେହି ମଧ୍ୟ ବେଆଇନ ଭାବରେ ବାଲି ଗଚ୍ଛିତ କରି ରଖିପାରିବେ ନାହିଁ।
ଗତକାଲି ହୋଇଥିବା ରାଜ୍ୟ କ୍ୟାବିନେଟ ବୈଠକରେ ଏହି ସମସ୍ତ ବୈଶିଷ୍ଟ୍ୟପୂର୍ଣ୍ଣ ନିଷ୍ପତ୍ତି ଗ୍ରହଣ କରାଗଲା।