ସାଲିଆ ସାହି ବସ୍ତିକୁ ବର୍ତ୍ତମାନ ନୋ ଏଣ୍ଟ୍ରି ଜୋନ୍ ଘୋଷଣା କରାଯାଇଛି। ପୁନଃ କେହି ଅନୁପ୍ରବେଶ କରି ଅବରୋଧ ସୃଷ୍ଟି ନକରନ୍ତୁ, ସେଥିପାଇଁ ଆଜି ଭୁବନେଶ୍ୱର ମହାନଗର ନିଗମ (BMC) ପକ୍ଷରୁ ସମୁଦାୟ ଅଞ୍ଚଳରେ ଲୁହା ତାରବାଡ ବୁଲାଇବାରେ ଲାଗିଛି।
ଗତକାଲି ସାଲିଆ ସାହି ବସ୍ତି ଉଚ୍ଛେଦ ଅଭିଯାନ ଶେଷ ହୋଇଛି। ପ୍ରାୟ ୩ ଦିନ ଧରି ଚାଲିଥିବା ଏହି ଅଭିଯାନରେ ହଜାର ହଜାର ବାସିନ୍ଦା ବିସ୍ଥାପିତ ହୋଇଛନ୍ତି। ବର୍ତ୍ତମାନ ବିସ୍ଥାପିତଙ୍କୁ BMC ପକ୍ଷରୁ ବିଭିନ୍ନ କଲ୍ୟାଣ ମଣ୍ଡପ ଏବଂ ଅସ୍ଥାୟୀ ଶିବିରରେ ଆଶ୍ରୟ ଦିଆଯାଇଛି।
ଭୁବନେଶ୍ୱର ମହାନଗର ନିଗମ କମିଶନର ଚଞ୍ଚଳ ରଣା କହିଛନ୍ତି ଯେ ଯୋଗ୍ୟ ବିସ୍ଥାପିତଙ୍କୁ ଖୁବଶୀଘ୍ର ସରକାରୀ ଘର ବଣ୍ଟନ ପ୍ରକ୍ରିୟା ଆରମ୍ଭ ହେବ। ବର୍ତ୍ତମାନ BMC ପାଖରେ ୪୫୫ଟି ଘର ଉପଲବ୍ଧ ଅଛି।
୩ ଦିନ ଧରି ଚାଲିଥିବା ଏହି ବିଶାଳ ଅଭିଯାନରେ ୧୫ରୁ ଅଧିକ JCB, ୧୧ ପ୍ଲାଟୁନ ପୋଲିସ ଫୋର୍ସ ଏବଂ ପ୍ରାୟ ୨୦୦ ପ୍ରଶାସନିକ ଅଧିକାରୀ ଯୋଗଦେଇଥିଲେ।