ତାଳଚେର ହିଲୋଇ ଗ୍ରାମରେ ଉଛେଦ ଘଟଣାରେ ତାଳଚେରର ବିଧାୟକ ଓ ଗ୍ରାମବାସୀଙ୍କ ବିରୋଧକୁ ନେଇ ସ୍ପଷ୍ଟୀ କରଣ ରଖିଛି ଜିଲ୍ଲା ପ୍ରଶାସନ ଓ ଏମସିଏଲ । ସୂଚନା ଅନୁସାରେ ଏମସିଏଲ ଦ୍ୱାର ଅଧିକୃତ ଜମି ଉପରେ କିଛି ବାହର ଲୋକ ଆସି ଘର ତିଆରି କରି ଅସ୍ଥାୟୀ ଭାବେ ରହୁଥିବା ଏମସିଏଲ ପକ୍ଷରୁ ସୂଚନା ଦିଆଯାଇଥିଲା । ଯାହାକୁ ନେଇ ଖଣି କାର୍ଯ୍ୟକୁ ଆଗକୁ ବଢ଼ିବା ପାଇଁ ଜମି ମାଡିବସିଥିବା ଗାଁ ବାହାରର ଲୋକମାନକୁ ସେଠାରୁ ଗତ ୨୮ ତାରିଖ ଦିନ ଉଛେଦ କରାଯାଇଥିଲା । ଯାହାକୁ ସ୍ଥାନୀୟ ବିଧାୟକଙ୍କ ସହ ଗ୍ରାମବାସୀ ବିରୋଧ କରିବା ସହ ବିନା ନୋଟିସରେ ଏହି ଉଛେଦ କାର୍ଯ୍ୟ ହେଉଥିବା ଅଭିଯୋଗ କରିଥିଲେ । ତେବେ ଏମସିଏଲର ଜଗନ୍ନାଥ କୋଇଲା କ୍ଷେତ୍ର ପକ୍ଷରୁ ନାଇନ ୱାନ ପରେ ଜମି ଜବରଦଖଲ କରି ଅସ୍ଥାୟୀ ଘର ନିର୍ମାଣ କରାଯାଇଥିବା ସ୍ଥାନ ଗୁଡିକ ଖାଲି କରିବା ପାଇଁ ଉଚ୍ଚ ନ୍ୟାୟାଳୟରେ ଆବେଦନ କରାଯାଇଥିଲା । ପରେ ଏହାକୁନେଇ ବିସ୍ଥାପିତ ପରିବାରଙ୍କ ପକ୍ଷରୁ ଉଚ୍ଚ ନ୍ୟାୟାଳୟରେ ଆଶ୍ରୟ ନିଆଯାଇଥିଲା । ପରେ ଉଚ୍ଚ ନ୍ୟାୟାଳୟ ପକ୍ଷରୁ ତାଳଚେର ଉପଜିଲ୍ଲାପାଳଙ୍କୁ ଅସ୍ଥାୟି ଭାବେ ଗଢି ଉଠିଥିବା ଘର ଗୁଡିକୁ ନିର୍ଦିଷ୍ଟ ସମୟ ଭିତରେ ଉଛେଦ କରି ଜମିକୁ ଏମସିଏଲକୁ ହସ୍ତାନ୍ତର କରିବାପାଇଁ ନିର୍ଦେଶନାମା ଜାରି ହୋଇଥିଲା ।
ନିର୍ଦିଷ୍ଟ ସମୟ ସୀମା ମଧ୍ୟରେ ଉଚ୍ଛେଦ କାର୍ଯ୍ୟ ସାରିବାକୁ ପ୍ରଶାସନ ପକ୍ଷରୁ ଏକ ଚୁକ୍ତିନାମା ଉଚ୍ଚ ନ୍ୟାୟାଳୟକୁ ପ୍ରଦାନ କରାଯାଇଥିଲା । ଯାହାକୁ ନେଇ ହିଲୋଇ ଗ୍ରାମର ଅସ୍ଥାୟୀ ଘର ଗୁଡିକୁ ଉଛେଦ କରାଯାଇଥିଲା । ଏହି ଉଛେଦ କାର୍ଯ୍ୟ ଏମସିଏଲ ଓ ଜିଲ୍ଲା ପ୍ରଶାସନ ଉଚ୍ଚ ନ୍ୟାୟାଳୟ ର ଆଦେଶ ଅନୁସାରେ ଓ ସଠିକ ନିୟମାବଳୀ ଅନୁଯାଇ ହୋଇଥିବା ସୂଚନା ଦେବାସହ ସ୍ଥାନୀୟ ବିଧାୟକ ଓ ଗ୍ରାମବାସୀଙ୍କ ଅଭିଯୋଗ ଭିତ୍ତିହିନ ବୋଲି ଉଭୟେ ଏମ୍ ସିଏଲ ଓ ତାଳଚେର ଉପଜିଲ୍ଲାପାଳ କହିଛନ୍ତି ।