ଆଜି ବିଜେଡି ସୁପ୍ରିମୋ ଓ ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ଜନ୍ମଦିନ। ନବୀନଙ୍କୁ ଆଜି ୭୯ ବର୍ଷ ପୂର୍ଣ୍ଣ ହୋଇଛି। ପ୍ରତିବର୍ଷ ଭଳି ଏଥର ମଧ୍ୟ ସେ ନିଜ ଜନ୍ମଦିନକୁ ଏକ ଭିନ୍ନ ଢଙ୍ଗରେ ପାଳନ କରୁଛନ୍ତି।
ଏହି ଅବସରରେ ନବୀନ ବିଜେଡିର ଜନସଂପର୍କ ପଦଯାତ୍ରାରେ ଯୋଗଦେବେ। ନୂଆପଡ଼ା ଉପନିର୍ବାଚନ ପୂର୍ବରୁ ସେ ଗ୍ରାଉଣ୍ଡକୁ ନିଜେ ଓଲାଇଛନ୍ତି। ଏକାମ୍ର ନିର୍ବାଚନମଣ୍ଡଳୀର ଗଙ୍ଗନଗର ଅଞ୍ଚଳରେ ଥିବା ବିଜୁ ଆଦର୍ଶ କଲୋନୀରୁ ପଦଯାତ୍ରା ଆରମ୍ଭ ହେବ। ସେଠାରେ ଯୋଗଦେଇ ନବୀନ କର୍ମୀମାନଙ୍କୁ ଉତ୍ସାହିତ କରିବେ।
ଜନ୍ମଦିନର ଅବସରରେ ସେ ପିଲାମାନଙ୍କ ସହ ସମୟ ବିତାଇ ମିଷ୍ଟାନ୍ନ ବଣ୍ଟନ କରିବେ। ପରେ ସେ ଏସଓଏସ ଭିଲେଜ ଯାଇ ସେଠି ଅନ୍ତେବାସୀଙ୍କ ସହ ସମ୍ପର୍କ ସ୍ଥାପନ କରି ମିଷ୍ଟାନ୍ନ ବଣ୍ଟନ କରିବେ।
ନବୀନଙ୍କ ଆଗମନକୁ ସ୍ଵାଗତ କରିବା ପାଇଁ ମଙ୍ଗଳା ବସ୍ତି ବାସିନ୍ଦା ନିଜ ଘର ଆଗରେ କଳସ ଓ ମୁରୁଜ ସଜାଇଛନ୍ତି। ସାରା ରାଜ୍ୟରେ ବିଜେଡି ପକ୍ଷରୁ ନିରାଡ଼ମ୍ବର ଭାବେ ପାଳିତ ହେଉଛି ନବୀନ ପଟ୍ଟନାୟକଙ୍କ ଜନ୍ମଦିନ