ବିପୁଳ ପରିମାଣର ଗଞ୍ଜେଇ ଚାଲାଣ ବେଳେ ମାଡ଼ି ବସିଲା ଭୁବନେଶ୍ୱର ଜୋନାଲ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଦଳ । କାର୍ରୁ ଜବତ ହେଲା ୧୭୧ କେଜି ଗଞ୍ଜେଇ । ଧରାପଡ଼ିଲା ଚାଲାଣକାରୀ । ମୟୂରଭଞ୍ଜ ଜିଲ୍ଲା କରଞ୍ଜିଆ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବୁଧବାର ଏକ କାର୍ରେ ବିପୁଳ ପରିମାଣର ଗଞ୍ଜେଇ ଚାଲାଣ କରାଯାଉଥିଲା । ଖବର ପାଇ ଭୁବନେଶ୍ୱର ଜୋନାଲ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଗାଡ଼ିଟିକୁ ଅଟକାଇଥିଲେ । ଏହା ଦେଖି ଚାଲାଣକାରୀମାନେ ଖସି ପଳାଇଯିବାକୁ ଚେଷ୍ଟା କରିଥିଲେ । NCB ଟିମ୍ ଗାଡ଼ିଟିକୁ ପ୍ରାୟ ୪୦-୫୦ କିଲୋମିଟର ପର୍ଯ୍ୟନ୍ତ ପିଛା କରିଥିଲା । ଏହା ଦେଖି ଚାଲାଣକାରୀମାନେ କରଞ୍ଜିଆ ଜଙ୍ଗଲ ଭିତରେ ଗାଡ଼ି ଛାଡ଼ି ପଳାଇଯିବାକୁ ଚେଷ୍ଟା କରିଥିଲେ । ହେଲେ NCB ଟିମ୍ ଜଣଙ୍କୁ ଧରିବାରେ ସଫଳ ହୋଇଛି । ଏହା ସହ ଚାଲାଣରେ ବ୍ୟବହାର ହେଉଥିବା ଗାଡ଼ି ଏବଂ ସେଥିରେ ଥିବା ୧୭୧ କେଜି ଗଞ୍ଜେଇ ମଧ୍ୟ ଜବତ କରିଛି । ଏହି ଚାଲାଣରେ ଆଉ କିଏ କିଏ ସାମିଲ ଅଛନ୍ତି ତାହା ଜାଣିବା ପାଇଁ ତଦନ୍ତ ଚାଲିଛି।