ବିପୁଳ ପରିମାଣର ବ୍ରାଉନସୁଗର ଜବତ, ୩ ଗିରଫ । ବୋଲଗଡ କପାସିଆ ଗାଁର ସ୍କୁଲ ନିକଟରୁ ବିପୁଳ ପରିମାଣର ବ୍ରାଉନସୁଗର ଜବତ ହୋଇଛି । ତିନିଜଣକୁ ଗିରଫ କଲା ବେଗୁନିଆ ଅବକାରୀ ବିଭାଗ । ଆଜି ସକାଳୁ ଖୋର୍ଦ୍ଧାର ଅବକାରୀ ଅଧିକ୍ଷକଙ୍କ ନିର୍ଦ୍ଦେଶ କ୍ରମେ ବେଗୁନିଆ ଅବକାରୀ ଅଧିକାରୀ ସଦଳ ବଳେ ବୋଲଗଡ ବ୍ଲକ କପାସିଆ ପ୍ରାଥମିକ ବିଦ୍ୟାଳୟ ନିକଟରେ ବ୍ରାଉନସୁଗାରର ବେପାର କରୁଥିବା ତିନି ଯୁବକଙ୍କୁ କାବୁ କରିଥିଲେ ।
ତାଙ୍କ ନିକଟରୁ ପ୍ରାୟ ଶହେ ଗ୍ରାମରୁ ଅଧିକ ବ୍ରାଉନସୁଗାର ଜବତ ହୋଇଛି । ଯାହାର ଆନୁମାନିକ ମୂଲ୍ଯ ୧୦ଲକ୍ଷରୁ ଅଧିକ ହେବ ବୋଲି ସୂଚନା ଦେଇଛନ୍ତି ବେଗୁନିଆ ଅବକାରୀ ଅଧିକାରୀ । ସେମାନଙ୍କ ନିକଟରୁ ଦୁଇଟି ବାଇକ ସହ ତିନୋଟି ମୋବାଇଲ ମଧ୍ଯ ଜବତ ହୋଇଛି ।