ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅଞ୍ଚଳରୁ ଏକ ବଡ଼ ଧରଣର ସୁନା ଚୋରି ମହିଳା ଗ୍ୟାଙ୍ଗକୁ ଧରିଛି ପରଜଙ୍ଗ ପୋଲିସ। ଛତିଶଗଡରୁ ଆସି ଓଡ଼ିଶାର ବିଭିନ୍ନ ଅଂଚଳକୁ ଯାଇ କରୁଥିଲେ ସୁନା ଅଳଙ୍କାର ଲୁଟ। ଏପରିକି ପରଜଙ୍ଗ ଗାଁର ଅନିତା ଗଡ଼ନାୟକଙ୍କର ଏକ ସୁନା ମାଳକୁ ଗୁନ୍ଥିବା ପାଇଁ ନେଇ ଅରିଜିନାଲ ସୁନା ବଦଳରେ ଡୁପ୍ଳିକେଟ ସୁନା ମାଳ ଦେଇଥିଲେ ମହିଳା ଚୋର ଗ୍ୟାଙ୍ଗ। ଯାହାକୁ ନେଇ ଅନିତାଙ୍କର ସନ୍ଦେହ ଜାତ ହେବାରୁ ସେ ପୋଲିସର ଦ୍ୱାରସ୍ତ ହୋଇଥିଲେ। ଆଉ ୟା ଭିତରେ ସାମ୍ନାକୁ ଆସିଛି ସୁନା ମାଳ ଗୁନ୍ଥିବା ନାଁରେ କିପରି ମହିଳା ମାନେ ସୁନା ଅଳଙ୍କାର ଲୁଟ କରୁଥିଲେ। ଯାହାକୁ ନେଇ ଅଭିଯୋଗ ପରେ ଛତିଶଗଡର ୪ ଜଣ ମହିଳାଙ୍କୁ ଅଟକ ରଖି ଅଧିକ ତଦନ୍ତ ଆରମ୍ଭ କରିଦେଇଛି ପରଜଙ୍ଗ ପୋଲିସ। ସେପଟେ ଏପରି ଅଚିହ୍ନା ଅଜଣା ଲୋକଙ୍କ ଠାରୁ ଦୁରେଇ ରହିବାକୁ ପୋଲିସ ପକ୍ଷରୁ ସଚେତନ କରାଯାଇଛି।