ରାସ୍ତା ଉପରେ ଛିଣ୍ଡିଲା ବିଦ୍ୟୁତ ତାର । ଅଳ୍ପକେ ବର୍ତ୍ତିଲେ ଯାତ୍ରୀ । ସମ୍ବଲପୁର ଜିଲ୍ଲା ଜମନକିରା ବ୍ଲକ ପୁକୁଡା ଗାଁର ମୁଖ୍ୟ ରାସ୍ତାର ଦୃଶ୍ୟ । ଆଜି ସକାଳୁ ସୁଶାନ୍ତ ସେଠ ଓ ସ୍ତ୍ରୀ ଆରତୀ ସେଠ ମର୍ଣ୍ଣିଂ ୱାକ୍ କରୁଥିବା ବେଳେ ରାସ୍ତାରେ ୧୧ କେଭି ବିଦ୍ୟୁତ ତାର ଛିଣ୍ଡି ପଡ଼ିଥିବା ଦେଖିବାକୁ ପାଇଥିଲେ । ସ୍ୱାମୀ ସ୍ତ୍ରୀ ଦୁହେଁ ରାସ୍ତାର ଉଭୟ ପାର୍ଶ୍ଵରେ ରହି ବାଇକ ଆରୋହୀ ଓ ଯାତ୍ରୀବାହୀ ବସକୁ ଅଟକାଇ ଏକ ବଡ଼ ଦୁର୍ଘଟଣାରୁ ରକ୍ଷା କରିଥିଲେ । ସ୍ଥାନୀୟ ବିଦ୍ୟୁତ ଅଫିସକୁ ଖବର ଦେବାରୁ ବିଦ୍ୟୁତ ସରବରାହ ବନ୍ଦ କରି ତାରକୁ ରାସ୍ତାରୁ ହଟାଯାଇଥିଲା।