ଧର୍ମଶାଳା ପରେ ଏବେ ଜେନାପୁର ଥାନା ଅଞ୍ଚଳରେ ଚୋରଙ୍କ ଉତ୍ପାତ। ରାଜରାସ୍ତାରେ ଲୁଟ୍ ପରେ ଏବେ ମାଲଗୋଦାମ ଓ ଘର ମୁହାଁ ଚୋର। ପାନ ମସଲା ଗୋଦାମରୁ ଲୁଟ୍। ସଟର୍ ଭାଙ୍ଗି ଲୁଟିନେଲେ ୧୩ ଲକ୍ଷରୁ ଉର୍ଦ୍ଧ୍ଵ ଟଙ୍କାର ପାନ ମସଲା। ଏନେଇ ଜେନାପୁର ଥାନାରେ ଅଭିଯୋଗ ହୋଇଛି। ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାନୁଯାୟୀ, ବୁଧବାର ରାତି ପ୍ରାୟ ୨ଟା ବେଳେ ଜେନାପୁର ଥାନା ଅଞ୍ଚଳରେ ଥିବା ଏକ ପାନ ମସଲା ଗୋଦାମରୁ ଚୋରି ହୋଇଛି। ବିଳମ୍ଵିତ ରାତିରେ ଦୁର୍ବୃତ୍ତମାନେ ସଟର୍ ଭାଙ୍ଗି ୧୫୦ ପ୍ୟାକେଟ୍ରୁ ଉର୍ଦ୍ଧ୍ଵ ପାନ ମସଲା ଚୋରି କରି ନେଇଛନ୍ତି। ଏନେଇ ଗୋଦାମ ମାଲିକ ଜେନାପୁର ଥାନାରେ ଅଭିଯୋଗ କରିଛନ୍ତି। ଚଡେଇଧରା ଫାଣ୍ଡି ପୁଲିସଙ୍କ ସହ ୨ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛ। ଚୋରି ହୋଇଥିବା ପାନ ମସଲାର ଆନୁମାନିକ ମୂଲ୍ୟ ୧୩ ଲକ୍ଷ ଟଙ୍କାରୁ ଉର୍ଦ୍ଧ୍ଵ ହେବ ବୋଲି କୁହାଯାଉଛି।