ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ୫୩ ନଂ ଜାତୀୟ ରାଜପଥର ନୂଆପାଣି ଗାଁ ପେଟ୍ରୋଲ ପମ୍ପ ନିକଟରେ ବୋମା ପକାଇ ଗୋଟିଏ ଟ୍ରକରୁ ତେଲ ଲୁଟି ନେଇଛନ୍ତି ଦୁର୍ବୁତ୍ତ। ଗତ କାଲି ବିଳମ୍ବିତ ରାତିରେ କିଛି ଦୁର୍ବୁତ୍ତ ଏକ କାରରେ ଆସି ନୂଆପାଣି ପେଟ୍ରୋଲ ପମ୍ପ ନିକଟରେ ଛିଡା ହୋଇଥିବା କୋଇଲା ବୋଝେଇ ଟ୍ରକରୁ ତେଲ ଚୋରି କରୁଥିଲେ। ଯାହାକୁ ନେଇ ଶବ୍ଦ ହେବାରୁ ଡ୍ରାଇଭର ଜଣଙ୍କ ଗାଡି ବାହାରକୁ ଚାଲି ଆସିଥିଲେ। ଫଳରେ ଦୁର୍ବୁତ୍ତ ମାନେ ଏକ ବୋମା ଗାଡି ନିକଟରେ ପକାଇବା ସହ ତେଲ ଧରି ଚମ୍ପଟ ମାରିଥିଲେ। ଯାହାକୁ ନେଇ କାମାକ୍ଷାନଗର ଥାନାରେ ଅଭିଯୋଗ ପରେ SDPO ରଜନୀକାନ୍ତ ସାମଲ ପହଞ୍ଚି ଘଟଣାର ଅଧିକ ତଦନ୍ତ ଆରମ୍ଭ କରି ଦେଇଛନ୍ତି।
