ନୂଆପଡ଼ା ଉପନିର୍ବାଚନକୁ ନେଇ ନକ୍ସଲ ଚ୍ୟାଲେଞ୍ଜ ଚିନ୍ତାର କାରଣ ହୋଇଛି। ଛତିଶଗଡ଼ ସୀମାକୁ ଲାଗିଥିବା ଏହି ଅଞ୍ଚଳରେ ନକ୍ସଲ ପ୍ରଭାବ ରହିଥିବାରୁ ପୋଲିସ ପ୍ରଶାସନ ସତର୍କ ହୋଇଛି। ଗୁଇନ୍ଦା ସୂଚନା ଅନୁସାରେ ନକ୍ସଲମାନଙ୍କ ଚଳଚଳଏବେ ମଧ୍ୟ ଜାରି ରହିଛି।
ନିର୍ବାଚନକୁ ମୁକ୍ତ, ଅବାଧ ଓ ନିରପେକ୍ଷ ରଖିବା ପାଇଁ CRPF ର ୧୪ କମ୍ପାନୀ ସହିତ ଓଡ଼ିଶା ପୋଲିସ ମଧ୍ୟ ନିଯୁକ୍ତ ହୋଇଛି। ଅତିରିକ୍ତ ଡିଜି (ଆଇନ ଓ ଶୃଙ୍ଖଳା) ସଞ୍ଜୟ କୁମାର କହିଛନ୍ତି, ସମସ୍ତ ବୁଥ୍ର ମୂଲ୍ୟାଙ୍କନ ହୋଇ ଆବଶ୍ୟକ ସୁରକ୍ଷା ବ୍ୟବସ୍ଥା ନିଶ୍ଚିତ କରାଯାଇଛି।
ଜିଲ୍ଲାରେ ମୋଟ ୩୫୮ଟି ବୁଥ୍ ରହିଥିବା ବେଳେ ସେଥିରୁ ୪୭ଟିକୁ ସମ୍ବେଦନଶୀଳ ଓ ମାଓ ପ୍ରଭାବିତ ଘୋଷିତ କରାଯାଇଛି। ନୂଆପଡ଼ା ଉପନିର୍ବାଚନ ନଭେମ୍ବର ୧୧ରେ ହେବ ଓ ଫଳାଫଳ ୧୪ ତାରିଖରେ ପ୍ରକାଶିତ ହେବ।