ନୂଆପଡ଼ା ଉପନିର୍ବାଚନରେ ବିଜୟ ପରେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ମୋହନ ମାଝୀ ନୂଆଦିଲ୍ଲୀରେ ବିଜେପି ରାଷ୍ଟ୍ରୀୟ ସଭାପତି ଓ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେପି ନଡ୍ଡାଙ୍କୁ ଭେଟିଲେ । ସୌଜନ୍ୟ ମୂଳକ ଏହି ସାକ୍ଷାତକାଳରେ ରାଜ୍ୟର ସ୍ୱାସ୍ଥ୍ୟ ଭିତ୍ତିଭୂମି, ଭବିଷ୍ୟତ କାର୍ଯ୍ୟପନ୍ଥା ଏବଂ ଦଳର ବଳିଷ୍ଠ ପ୍ରଦର୍ଶନ ଉପରେ ଆଲୋଚନା ହୋଇଥିଲା ।
ମୁଖ୍ୟମନ୍ତ୍ରୀ ଏକ୍ସରେ ପୋଷ୍ଟ କରି ନଡ୍ଡାଙ୍କ ମାର୍ଗଦର୍ଶନ ତାଙ୍କୁ ଅଧିକ ଉତ୍ସାହ ସହ କାମ କରିବାକୁ ପ୍ରେରଣା ଦେବ ବୋଲି କହିଛନ୍ତି । ନୂଆପଡ଼ା ବିଜୟ ମୋହନ ମାଝୀ ସରକାରର ୧୭ ମାସରେ ଲୋକପ୍ରିୟତା ବୃଦ୍ଧି ଓ ଦଳରେ ତାଙ୍କ ପତିଆରାକୁ ଆହୁରି ମଜବୁତ କରିଛି ।