ବାଲେଶ୍ଵର ଜିଲ୍ଲା ନୀଳଗିରି ସହରରେ ଭାଲୁ ଆତଙ୍କ। ଭାଲୁ ଆକ୍ରମଣରେ ୩ ଜଣ ଗୁରୁତର ହୋଇଥିବା ସୂଚନା । ଆଜି ସକାଳ ୬ ଟା ସମୟରେ ନୀଳଗିରି ସହର ଭିତରୁ ଏକ ଭାଲୁ ଏନସି ୮ ନମ୍ବର ୱାର୍ଡ ସାନହତା ଗାଁ ଦେଇ ପାହାଡ଼କୁ ଫେରୁଥିଲା। ସେହି ସମୟରେ କିଛି ଗ୍ରାମବାସୀ ଭାଲୁ ହାବୁଡ଼ରେ ପଡି ଯାଇଥିଲେ। ପୁଷ୍ପ ବୈଠା ନାମକ ମହିଳା ଫୁଲ ତୋଳିବା ବେଳେ ଭାଲୁ ତାଙ୍କୁ ଆକ୍ରମଣ କରି ରକ୍ତାକ୍ତ କରି ପକାଇ ଥିଲା। ଏହାପରେ କନକ କୁଅଁର ନାମକ ବୃଦ୍ଧାଙ୍କୁ ଭାଲୁ କଚାଡି ଦେବାରୁ ତାଙ୍କର ଗୋଡ଼ ଭାଙ୍ଗି ଯାଇଛି। ପରେ ନିତ୍ୟାନନ୍ଦ ସାହୁ ଘରୁ ଆସୁଥିବା ବେଳେ ତାଙ୍କୁ ମଧ୍ୟ ଭାଲୁ ଆକ୍ରମଣ କରିଥିଲା। ତିନି ଜଣଙ୍କୁ ଗୁରୁତର ଭାବେ ହସ୍ପିଟାଲରେ ଭର୍ତ୍ତି କରାଯାଇଛି। ତେବେ ସକାଳେ ସହରରେ ଭାଲୁ ବୁଲିବା ନେଇ ସହରବାସୀ ଆତଙ୍କିତ ହୋଇପଡିଛନ୍ତି।