ଶନିବାର ନିଖୋଜ ହୋଇଥିଲେ ଯୁବକ । ରବିବାର ଉଦ୍ଧାର ହେଲା ମୃତଦେହ । କଟକ ଜିଲ୍ଲା କିଶନନଗର ଥାନା ଅଇନୀପୁର ତାଳଦଣ୍ଡା କେନାଲରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର କରିଛି ରଘୁନାଥପୁର ଅଗ୍ନିଶମ ବାହିନୀ ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ, ମୃତ ବ୍ୟକ୍ତି ଦିଲୀପ କୁମାର ଭୋଇର ତଣ୍ଟିକୁ କଟାଯିବା ସହିତ ମୁଣ୍ଡର ପଛପଟୁ କୌଣସି ଶକ୍ତ ଅସ୍ତ୍ର ଦ୍ୱାରା ଆଘାତ କରାଯାଇ ହତ୍ୟା କରାଯାଇଛି। ଘଟଣା ସ୍ଥଳରେ କିଶନନଗର ଥାନା ଅଧିକାରଣୀ ଦୁର୍ଗେଶ ନନ୍ଦିନୀ ମହାନ୍ତି, ଏସ୍ଡିପିଓ ବିରଞ୍ଚି ନାରାୟଣ ପତି ଉପସ୍ଥିତ ରହି ତଦନ୍ତ କାର୍ଯ୍ୟ କରିଛନ୍ତି। ମୃତଦେହକୁ ବ୍ୟବଚ୍ଛେଦ ପାଇଁ କଟକ ବଡ଼ ମେଡିକାଲକୁ ପଠାଯାଇଛି ।