ତାଳଚେର ପୋଲିସ ହାବୁଡ଼ରେ ଚେନ ଛିନତାଇ ଗ୍ୟାଙ୍ଗ । ଗତ କିଛି ବର୍ଷ ହେବ ତାଳଚେର ଓ ଏହାର ଆଖପାଖ ଅଞ୍ଚଳରୁ ମହିଳାଙ୍କ ବେକରୁ ସୁନାଚେନ ଛିଣ୍ଡାଇନେଇ ଯାଉଥିବା ଏକ ଗ୍ୟାଙ୍ଗକୁ ତାଳଚେର ପୋଲିସ କାବୁ କରିବାରେ ସଫଳ ହୋଇଛି ।ଗିରଫ ମାନଙ୍କ ମଧ୍ୟରେ ଦୁଇଜଣ ଲୁଟେରା ଥିବାବେଳେ ଚାରିଜଣ ସୁନା କିଣିଥିବା ଲୋକ ଅଛନ୍ତି । ଗିରଫ ଲୁଟେରା ଦୁଇଜଣ ହେଲେ ସ୍କଟଲାଣ୍ଡପୁରୁ ଗାଁର ସୁଶୀଲ ନାଏକ ଓ ଖମଣା ଗାଁର ଅଖିଳ ନାଏକ । ଏମାନଙ୍କ ନାମରେ ୧୩ଟି ମାମଲା ରହିଥିବା ବେଳେ ସେମାନଙ୍କ ସହଯୋଗୀ ଭିକି ନାଏକ ନାଁ ରେ ୩୮ଟି ମାମଲା ରହିଛି । ତେବେ ଭିକି ଏବେ ଫେରାର ଥିବାବେଳେ ତାକୁ ଧରିବାକୁ ପୋଲିସ ଚେଷ୍ଟା ଜାରୀରଖିଛି ।
ଅନ୍ୟପଟେ ଏମାନଙ୍କ ପାଖରୁ ସୁନା ରଖିଥିବା ଅଭିଯୁକ୍ତ ମାନେ ହେଲେ ଜଗନ୍ନାଥ ପୁର ଗାଁର ହରମୋହନ ତ୍ରିପାଠୀ, ନନ୍ଦିରା ର ଅକ୍ଷୟ ନାୟକ ଓ ଡ଼ଅଂରା ଗ୍ରାମର ବିକାଶ ନାଏକ , ପ୍ରଭାତ ନାଏକ ।ଗିରଫ ଅଭିଯୁକ୍ତ ମାନଙ୍କ ଠାରୁ ଗୋଟିଏ ଭୁଜାଲି , ୫ଟି ସୁନାଚେନ , ୪୪ହଜାର ଟଙ୍କା ,ମୋବାଇଲ ସହ ଦୁଇଟି ମୋଟର ସାଇକେଲ ଜବତ ହୋଇଥିବା ଅନୁଗୁଳ ଏସ୍ପି ରାହୁଳ ଜୈନ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।