କଟକ ଜିଲ୍ଲା ତିଗିରିଆ ଥାନା ଭିରୁଡ଼ା ପଣସପାଟଣାରେ ବଡ଼ ଧରଣର ପ୍ରଶାସନିକ ଚଢାଉ। ମଦ ମାଫିଆଙ୍କ ଘର ଉପରେ ଚାଲିଲା ବୁଲଡୋଜର। ବିପୁଳ ପରିମାଣର ମଦ ଓ ପୋଚ ନଷ୍ଟ। ଆଠଗଡ଼ ଉପଜିଲ୍ଲାପାଳଙ୍କ ନେତୃତ୍ଵରେ ଭିରୁଡ଼ା ପଣସପାଟଣାରେ ଅବକାରୀ ବିଭାଗ ଓ ପୁଲିସ ମିଳିତ ଚଢାଉ କରିଛି। ବିପୁଳ ପରିମାଣର ଦେଶୀ ମଦ ଓ ପୋଚ ନଷ୍ଟ କରାଯାଇଛି।
ମଙ୍ଗଳବାର ସକାଳେ ବେଆଇନ ଦେଶୀ ମଦ ପ୍ରସ୍ତୁତିର ଶିଳ୍ପାଞ୍ଚଳ ପାଲଟିଥିବା ତିଗିରିଆ ଥାନା ଅନ୍ତର୍ଗତ ଭିରୁଡା ପଣସପାଟଣାରେ ଏକ ବଡ଼ ଧରଣର ଚଢ଼ାଉ ହୋଇଛି।ଆଠଗଡ଼ ଉପଜିଲ୍ଲାପାଳଙ୍କ ନେତୃତ୍ଵରେ ଭିରୁଡ଼ା ପଣସପାଟଣାରେ ଅବକାରୀ ବିଭାଗ ଓ ପୁଲିସ ମିଳିତ ଚଢାଉ କରିଛି। ମଦ ମାଫିଆମାନେ ମଦ ପ୍ରସ୍ତୁତ କରି ଚାଲାଣ ପାଇଁ ପୃଥକ୍ ସ୍ଥାନରେ ଗୋପନରେ ମହଜୁଦ ରଖିଥିଲେ। ଏହି ସବୁ ଠିକଣାରେ ବିଭାଗୀୟ କର୍ମଚାରୀମାନେ ଚଢାଉ କରି ହଜାର ହଜାର ଲିଟର ପୋଚ ଓ ଦେଶୀ ମଦକୁ ଜବତ କରି ନଷ୍ଟ କରିଛନ୍ତି। ମଦଭାଟି ଗୁଡ଼ିକୁ ବୁଲଡୋଜର ଦ୍ଵାରା ଭଙ୍ଗି ଦିଆଯାଇଛି