ପାଖାପାଖି ୯୦ କେଜିର ଏହି ଲଡୁକୁ ନିଲାମ ଡାକି ଦାଶ ବ୍ରଦର୍ଶ ଏକାବନ ହଜାର ଟଙ୍କାରେ ନେଇଥିଲେ । ଏହି ଭସାଣି ଉତ୍ସବରେ ସହରର ୧୭ଟି ପୂଜା ମଣ୍ଡପ ଭାଗ ନେଇଥିଲେ। ତାଳଚେର ସହରରେ ଚଳିତ ବର୍ଷ ୨୫ରୁ ଅଧିକ କାର୍ତ୍ତିକେଶ୍ୱର ଓ ରାଧାକୃଷ୍ଣଙ୍କ ପୂଜା ଅନୁଷ୍ଠିତ ହୋଇଥିଲା। ଚଳିତ ବର୍ଷ ସେଥି ମଧ୍ୟରୁ ୧୭ଗୋଟି ପୂଜା କମିଟି ଏହି ଭଷାଣି ପ୍ରତିଯୋଗିତାରେ ଭାଗନେଇଥିଲେ। ଏହିି ଉପଲକ୍ଷେ ଆଜି ଲଡ଼ୁ ନିଲାମ ମଧ୍ୟ ହୋଇଥିଲା। ଲଡ଼ୁ ନିଲାମ ପରେ ଭଷାଣି ଉତ୍ସବ ଆରମ୍ଭ ହୋଇଥିଲା। ଏଥିରେ ପୁଲିସ ପ୍ରଶାସନଙ୍କ ସହଯୋଗ କରିବା ସହିତ ଭସାଣି ପାଇଁ ଲଟେରୀ ମାଧ୍ୟମରେ କ୍ରମିକ ନମ୍ବର ପ୍ରଦାନ କରିଥିଲେ । ଦୀର୍ଘ ୧୦ ଦିନ ଧରି ବିଭିନ୍ନ ପୂଜା ମଣ୍ଡପରେ ପୂଜା ପାଇବା ପରେ ଆଜି ଭକ୍ତଙ୍କ ଠାରୁ ବିଦାୟ ନେଉଛନ୍ତି ପ୍ରଭୁ କାର୍ତ୍ତିକେଶ୍ୱର । ପାରମ୍ପରିକ ନୃତ୍ୟ ଗୀତରେ ସହର ପ୍ରକମ୍ପିତ ହେଉଥିବା ବେଳେ ଏହାକୁ ଦେଖିବାକୁ ହଜାର ହଜାର ଶ୍ରଦ୍ଧାଲୁଙ୍କ ସୁଅ ଛୁଟିଛି ।