ତାଳଚେର ଘଣ୍ଟପଡା ହାଣ୍ଡିଧୁଆ ରେଳ ଫାଟକ ଠାରେ ଟ୍ରେନ ଯିବା ପରେ ବି ଖୋଲିଲାନି ଫାଟକ ଯାହାକୁନେଇ ଘଣ୍ଟା ଘଣ୍ଟା ଧରି ଆମ୍ବୁଲାନ୍ସ ସହିତ ଫସି ରହିଥିଲେ ଯାତ୍ରୀ |
ସୂଚନା ଅନୁସାରେ ଆଜି ଘଣ୍ଟପଡ଼ା ହାଣ୍ଡିଧୁଆ ରେଳ ଫାଟକଟି ଟ୍ରେନ ଯିବାକୁ ନେଇ ଫାଟକକୁ ପକାଇବା ସମୟରେ ଏକ ଟାଟା ଏସି ରେଳ ଫାଟକ ଭିତରକୁ ଧସେଇ ପଶିଥିଲା | ଫଳରେ ରେଳ ଫାଟକର ଉପର ଭାଗଟି ଟାଟା ଏସି ଉପରେ ପଡ଼ି ଭାଙ୍ଗି ଯାଇଥିଲା | ଯାହାକୁ ନେଇ ରେଳ ଫାଟକଟିକି ଟ୍ରେନ ଯିବା ପରେ ମଧ୍ୟ ଖୋଲି ନଥିଲା | ଫଳରେ ସେହି ରାସ୍ତାର ଉଭୟ ପାର୍ଶ୍ୱରେ ଯାଆସ କରୁଥିବା ଆମ୍ବୁଲାନ୍ସ ସହିତ ଶହ ଶହ ଗାଡି ଅଟକି ରହିଥିଲା । ଫଳରେ ଲୋକଙ୍କ ଉତେଜନାକୁ ନେଇ କୋଲିୟାରୀ ପୋଲିସ ଘଟଣା ସ୍ଥଳରେ ପହଂଚି ଲୋକଙ୍କୁ ବୁଝା ସୁଝା କରିଥିଲା | ଦୀର୍ଘ ସମୟ ପରେ ରେଳ ବାଇ ବିଭାଗର କର୍ମଚାରୀ ପହଂଚି ଫସିରହିଥିବା ଫାଟକକୁ କାଟି ବାହାର କରିଥିଲେ | ପରେ ରାସ୍ତାରେ ଗାଡି ଚଳାଚଳ ସ୍ୱାଭାବିକ ହୋଇଥିଲା | ତେବେ ଘଣ୍ଟପଡାର ହାଣ୍ଡିଧୂଆଁ ଠାରେ ଓଭର ବ୍ରିଜର କାମ ସମ୍ପୂର୍ଣ ହୋଇଥିବାବେଳେ ଜରୁରୀ କାଳୀନ ସେବା ପାଇଁ ଆବୁଲାନ୍ସ ଗୁଡିକୁ ଓଭର ବ୍ରିଜ ଦେଇ ଯାତାୟତ କରିଲେ ସାଧାରଣ ଜନତା ଉପକୃତ ହୋଇପାରନ୍ତେ ।