ଟ୍ରକ ଲୋଡିଙ୍ଗକୁ ନେଇ ତାଳଚେର ଟ୍ରକ ମାଲିକ ସଙ୍ଘର ଦୁଇ ଗୋଷ୍ଠି ମଧ୍ୟରେ ବିବାଦ ଦେଖାଯାଇଛି ।ଯାହାକୁ ନେଇ ଉଭୟ ଗୋଷ୍ଠିଙ୍କ ପକ୍ଷରୁ ତାଳଚେର ଥାନାରେ ଅଭିଯୋଗ ହୋଇଛି ।ସୂଚନା ଅନୁସାରେ ଗୋଟିଏ ଗୋଷ୍ଠିର କିଛି ଟ୍ରକ ମାଲିକ ଲିଙ୍ଗରାଜ କୋଇଲା ଖଣିକୁ କୋଇଲା ଲୋଡିଙ୍ଗ କରିବାକୁ ଯାଇଥିବା ବେଳେ ଅପରପକ୍ଷର କିଛି ଲୋକ ଘଟଣା ସ୍ଥଳରେ ପହଞ୍ଚି ଗାଳିଗୁଲଜ କରିବା ସହ ଡ୍ରାଇଭର ଓ ମାଲିକଙ୍କୁ ମାଡ଼ପିଟ କରିଥିବାର ଅଭିଯୋଗ ହୋଇଥିଲା । ଯାହାକୁ ନେଇ ପରବର୍ତ୍ତୀ ସମୟରେ ମାଡ଼ପିଟର ଶିକାର ହୋଇଥିବା ଗୋଷ୍ଠି ଟ୍ରକ ମାଲିକ ସଙ୍ଘ କାର୍ଯ୍ୟାଳୟରେ ପହଁଚି ଚୌକି ଭଙ୍ଗାରୁଜା କରିବା ସହ ଅସଭ୍ୟ ଭାଷାରେ ଗାଳିଗୁଲଜ କରି ମାଡ଼ପିଟ କରିଥିବା ଅଭିଯୋଗ ହୋଇଛି । ତେବେ ଏହି ଘଟଣାକୁ ନେଇ ଉଭୟ ପକ୍ଷରୁ ତାଳଚେର ଥାନରେ ଲିଖିତ ଅଭିଯୋଗ ହୋଇଥିବା ବେଳେ ତାଳଚେର ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।