ଡିସେମ୍ବର ୩୧ ପର୍ଯ୍ୟନ୍ତ ରାଜ୍ୟରେ ଇ-କେୱାଇସି ପ୍ରକ୍ରିୟା ଜାରି ରହିବ ବୋଲି ବିଧାନସଭାରେ ଲିଖିତ ଉତ୍ତର ରଖିଛନ୍ତି ଯୋଗାଣ ମନ୍ତ୍ରୀ କୃଷ୍ଣ ପାତ୍ର।
ଇ-କେୱାଇସି ଓ କ୍ଷେତ୍ର ତର୍ଜମା ସମୟରେ ମୋଟ ୬ ଲକ୍ଷ ୮୩ ହଜାର ୯୯୫ ଜଣ ମୃତ ବ୍ୟକ୍ତି ଚିହ୍ନଟ ହୋଇଛନ୍ତି। ସେହିପରି ୩୩ ହଜାର ୧୨୮ ଅଯୋଗ୍ୟ ରାସନ କାର୍ଡ ବାତିଲ ହୋଇଥିବାବେଳେ ଏହାର ପରିବାର ସଦସ୍ୟ ସଂଖ୍ୟା ୧ ଲକ୍ଷ ୨୦ ହଜାର ୧୯୯ ରହିଛି।
ରାଜ୍ୟରେ ସର୍ବାଧିକ ଜାଲି କାର୍ଡ ଖୋର୍ଦ୍ଧା ଜିଲ୍ଲାରେ ଧରାପଡ଼ିଛି ୪୭୪୭ କାର୍ଡ। କଟକ ରୁ ୨୯୦୫ କାର୍ଡ, ସୁନ୍ଦରଗଡ଼ ୨୩୫୭ କାର୍ଡ ଧରା ପଡ଼ିଛି।
ଅନ୍ୟ ଏକ ଲିଖିତ ଉତ୍ତରରେ, ଯୋଗାଣ ମନ୍ତ୍ରୀ କହିଛନ୍ତି ଯେ, ଜୁନ୍ ୨୦୨୪ ଠାରୁ ମୋଟ ୧୫ ଲକ୍ଷ ୩୩ ହଜାର ୧୫୩ ରାସନ କାର୍ଡ ଆବେଦନ ହସ୍ତଗତ ହୋଇଛି।
୩ ଲକ୍ଷ ୨୩ ହଜାର ୧୪୫ ଆବେଦନ (ପରିବାର ସଦସ୍ୟ ୬ ଲକ୍ଷ ୩୯ ହଜାର ୮୨୭) କ୍ଷେତ୍ର ତର୍ଜମା ପରେ ଯୋଗ୍ୟ ବୋଲି ପ୍ରମାଣିତ ହୋଇ ଖାଦ୍ୟ ସୁରକ୍ଷା ଯୋଜନାରେ ନୂଆ ଭାବରେ ଅନ୍ତର୍ଭୁକ୍ତ ହୋଇଛନ୍ତି। ୭ ଲକ୍ଷ ୩୭ ହଜାର ୫୩୦ ଆବେଦନ ‘ଓଡ଼ିଶା ରାଜ୍ୟ ଖାଦ୍ୟ ସୁରକ୍ଷା ଲକ୍ଷ୍ୟଭୋଗୀ ସାଧାରଣ ବଣ୍ଟନ ବ୍ୟବସ୍ଥା ନିୟମ ୨୦୨୦’ ଅନୁଯାୟୀ ଅଗ୍ରାହ୍ୟ କରାଯାଇଛି। ୪ ଲକ୍ଷ ୭୨ ହଜାର ୪୭୮ ଆବେଦନ ଉପରେ ବ୍ଲକ୍ ଓ ପୌରାଞ୍ଚଳ ସ୍ତରରେ କ୍ଷେତ୍ର ତର୍ଜମା ଜାରି ରହିଛି