ବାରିପଦା ଅଭିମୁଖେ ଯାଉଥିବା ଶାଲିମାର ଏକ୍ସପ୍ରେସ ଟ୍ରେନ୍ ଧକ୍କାରେ ଏକ ବିଶାଳ ଦନ୍ତା ହାତୀର ମୃତ୍ୟୁ ଘଟିଛି l ଘଟଣା ସ୍ଥଳରେ ବନବିଭାଗ ପହଞ୍ଚି ତଦନ୍ତ ଆରମ୍ଭ କରିଛି । ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ ତଥା ରେଞ୍ଜ ଅଧୀନ ଆଗ୍ରିଆ ଛକରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଏକ ଗୋଠଛଡ଼ା ଦନ୍ତା ହାତୀ ଶନିବାର ରାତି ୧୧ଟା୩୦ ରେ ସର୍ବଣା ଗାଁ ଦେଇ ଆଗ୍ରିଆ ଛକ ଅଭିମୁଖେ ଆସୁଥିଲା l ଆଗ୍ରିଆ ରେଳ ଫାଟକ ନିକଟରେ ବିଶାଳ ଦନ୍ତା ହାତୀ ଆଗ୍ରିଆ ରେଳ ଫାଟକ ଅତିକ୍ରମ କରୁଥିଲା । ସେହି ସମୟରେ ବାରିପଦା ଅଭିମୁଖେ ଯାଉଥିବା ଶାଲିମାର ଏକ୍ସପ୍ରେସ ଟ୍ରେନ୍ ହାତୀଟିକୁ ଧକ୍କା ଦେଇଥିଲା l ଟ୍ରେନ୍ ଧକ୍କାରେ ବିଶାଳ ଦନ୍ତା ହାତୀର ମୃତ୍ୟୁ ହୋଇଛି l ଟ୍ରେନ୍ ଧକ୍କାରେ ବିଶାଳ ଦନ୍ତା ହାତୀର ମୃତ୍ୟୁକୁ ନେଇ ଏଠାରେ ଲୋକାରଣ୍ୟ ହୋଇପଡିଥିବା ବେଳେ ଉତ୍ତେଜନା ପ୍ରକାଶ ପାଇଛି l ଘଟଣାସ୍ଥଳରେ ବନବିଭାଗ ପହଞ୍ଚି ତଦନ୍ତ ଆରମ୍ଭ କରିଛି l