ଟ୍ରକ୍ ଧକ୍କାରେ ବ୍ୟବସାୟୀଙ୍କ ଦୋକାନ ଚୁରମାର୍। ଟାୟାର ଜାଳି ରାସ୍ତାରୋକ କଲେ ଗ୍ରାମବାସୀ। ଘଟଣା ସ୍ଥଳରେ ପୁଲିସର ତଦନ୍ତ।
ସୂଚନା ଅନୁଯାୟୀ, ସଦର ଥାନା ଅଧୀନରେ ଥିବା ଲାଠି ଛକରେ ଜଣେ ବୃଦ୍ଧ ବ୍ୟବସାୟୀଙ୍କ ଦୋକନକୁ ମଧ୍ୟ ରାତ୍ରରେ ଏକ ଟ୍ରକ୍ ଧକ୍କା ଦେଇଥିଲା। ଟ୍ରକଟି ଦ୍ରୁତଗତିରେ ଆସି ଦୋକାନକୁ ଧକ୍କା ଦେଇ ଚାଲିଯାଇଥିଲା। ଫଳରେ ଦୋକାନଟି ଭାଙ୍ଗି ଚୁରମାର୍ ହୋଇଯାଇଛି। ଏହାର ପ୍ରଦିବାଦରେ କିଛି ଗ୍ରାମବାସୀ ଟାୟାର ଜାଳି ରାସ୍ତାରୋକ କରିଥିଲେ। ଗ୍ରାମବାସୀଙ୍କ ଅନୁଯାୟୀ, ମୋହୁଡ଼ା ଅଞ୍ଚଳରୁ ରାତି ସମୟରେ ଚୋରା ମୋରମ ଚାଲାଣ ହେଉଛି। ଯେଉଁକାରଣରୁ ଟ୍ରକ ଗୁଡିକ ରାତ୍ର ସମୟରେ ଦ୍ରୁତଗତିରେ ଯାଉଛି। ତେବେ ଘଟଣାସ୍ଥଳରେ ସଦର ପୋଲିସ ପହଞ୍ଚି ଲୋକଙ୍କୁ ବୁଝାସୁଝା କରୁଛି।
