ଭଦ୍ରକ ଚରମ୍ପା ଡଗରା ସାହି ଅଞ୍ଚଳରେ ଦୁଇ କିନ୍ନର ଗୋଷ୍ଠୀ ମୁଁହାମୁହିଁ । ଗୋଟିଏ ଗୋଷ୍ଠୀର ଆକ୍ରମଣରେ ଅନ୍ୟ କିନ୍ନର ଗୋଷ୍ଠୀର ୪ ଜଣ ଆହତ ହୋଇଛନ୍ତି । ଆହତମାନେ ଭଦ୍ରକ ମେଡିକାଲରେ ଭର୍ତ୍ତି ହୋଇଛନ୍ତି । ଟାଉନ ଥାନାରେ ଦ୍ୱାରସ୍ଥ ହୋଇଛନ୍ତି ଆହତ କିନ୍ନର ଗୋଷ୍ଠୀ ।
ସୂଚନା ଅନୁସାରେ ଗତ କିଛି ଦିନ ହେବ ଚରମ୍ପା ଅଂଚଳରେ ରହୁଥିବା ଦୁଇ କିନ୍ନର ଗୋଷ୍ଠୀ ମଧ୍ୟରେ ବିବାଦ ଲାଗିଥିଲା । ଏହାକୁ ନେଇ ଦୁଇ ଗୋଷ୍ଠୀ ଭିନ୍ନ ଭିନ୍ନ ଭାବେ ଭଦ୍ରକ ଟାଉନ ଥାନାରେ ଅଭିଯୋଗ କରିଥିଲେ । ପୋଲିସ ଏହି ଘଟଣାରେ ତଦନ୍ତ ଆରମ୍ଭ କରିଥିଲା ବେଳେ ଆଜି ସକାଳୁ ଗୋଟିଏ ଗୋଷ୍ଟୀର କେତେକ ସଦସ୍ୟଙ୍କ ଉପରେ ହଠାତ ଅତର୍କିତ ଭାବେ ଅନ୍ୟ ଏକ କିନ୍ନର ଗୋଷ୍ଠିର ସଦସ୍ୟ ଆକ୍ରମଣ କରିଥିଲେ । ବିଭିନ୍ନ ମାରଣାସ୍ତ୍ରରେ ଆକ୍ରମଣ କରିଥିଲେ । କେତେକଙ୍କ ଚୁଟି ବି ଜୋର ଜବରଦସ୍ତ କାଟି ଦେଇଛନ୍ତି ।