ମୟୂରଭଞ୍ଜ ଜିଲ୍ଲା ରାଞ୍ଚି ବିଜୟୱାଡା ୨୨୦ ନଂ ଜାତୀୟ ରାଜପଥ ପାଲଟିଛି ମରଣଜନ୍ତା। ମାଛ କାନ୍ଦଣା ଘାଟିରେ ବିନା ଟେକ୍ନିସିଆନରେ ଚାଲିଛି ରାସ୍ତା ଉନ୍ନତିକରଣ। ଠିକାଦାର ଓ ବିଭାଗୀୟ ଅଧିକାରୀଙ୍କ ମନମାନି। ଖାମ ଖିଆଲ ନୀତି ପାଇଁ ସଂକୀର୍ଣ୍ଣ ରାସ୍ତାରେ ଘଟୁଛି ଦୁର୍ଘଟଣା। ଚାରି ଦିନରେ ଗଲାଣି ୪ ଜୀବନ। ରବିବାର ବିଳମ୍ଵିତ ରାତିରେ ଘାଟିରେ ପୁଣି ସିରିଜ୍ ଦୁର୍ଘଟଣା। ଅଣଓସାରିଆ ରାସ୍ତାରେ ଓଲଟି ପଡ଼ିଲା ୨ଟି ଲୁହା ବୋଝେଇ ଟ୍ରେଲର। ଜଣେ ଡ୍ରାଇଭର୍ ମୃତ ଅନ୍ୟ ଜଣେ ଗୁରୁତର। 

ସୂଚନାନୁଯାୟୀ, ରବିବାର ବିଳମ୍ଵିତ ରାତିରେ ୨୨୦ ନମ୍ବର ଜାତୀୟ ରାଜପଥ ବଣମୁଣ୍ଡା ନିକଟସ୍ଥ ମାଛକାନ୍ଦଣା ଘାଟିରେ ଦୁର୍ଘଟଣା ଘଟିଛି। ୨ ଟି ଲୁହା ବୋଝେଇ ଟ୍ରେଲର ଭାରସାମ୍ୟ ହରାଇ ଘାଟି ରାସ୍ତାରେ ଓଲଟି ପଡ଼ିଛି। ଫଳରେ ଜଣେ ଡ୍ରାଇଭର୍ ଗାଡି ତଳେ ଚାପି ହୋଇ ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି। ଗୁରୁତରଙ୍କୁ ଉଦ୍ଧାର କରାଯାଇ ପ୍ରଥମେ ରାଇରଙ୍ଗପୁର ଡାକ୍ତରଖାନା ଓ ପରେ ଜାମସେଦପୁର ସ୍ତାନତରିତ କରାଯାଇଛି। ଘଟଣା ସ୍ଥଳରେ ଯଶିପୁର ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।