ଜମି କିଣିବାକୁ ସ୍କୁଟି ଡିକିରେ ରଖିଥିଲେ ୧୦ ଲକ୍ଷ ଟଙ୍କା। ଘର ଆଗରୁ ଡିକି ଭାଙ୍ଗି ସବୁ ଟଙ୍କା ନେଇଗଲେ ଦୁର୍ବୃତ୍ତ। କଟକ ଜିଲ୍ଲା ଟାଙ୍ଗୀ ଥାନା ନପଙ୍ଗ ପଞ୍ଚାୟତ ଇଟୁଆ କୋରକର ଗ୍ରାମରେ ଏଭଳି ଘଟଣା ଘଟିଛି। ଏନେଇ ଟାଙ୍ଗୀ ଥାନାରେ ଅଭିଯୋଗ ହୋଇଛି।
ସୂଚନାନୁଯାୟୀ, ନପଙ୍ଗ ପଞ୍ଚାୟତ ଇଟୁଆ କୋରକର ଗ୍ରାମର ରବିନ୍ଦ୍ର ତ୍ରିପାଠୀ ଜମି କିଣିବା ପାଇଁ ଟାଙ୍ଗୀ ଏସବିଆଇ ବ୍ୟାଙ୍କରୁ ୧୦ଲକ୍ଷ ଟଙ୍କା ଉଠାଇ ଘରକୁ ଆସିଥିଲେ। ଘର ଆଗରେ ସ୍କୁଟି ରଖି ଘର ଭିତରକୁ ଯାଇଥିଲେ। କିଛି ସମୟ ପରେ ଘରୁ ବାହାରକୁ ଆସି ଦେଖନ୍ତି ତ ଲୁଟେରାମାନେ ଡିକି ଭାଙ୍ଗି ସବୁ ଟଙ୍କା ନେଇଯାଇଛନ୍ତି। ଏନେଇ ସେ ଟାଙ୍କୀ ଥାନାରେ ଅଭିଯୋଗ କରିଛନ୍ତି। ପୁଲିସ ସିସିଟିଭି ଆଧାରରେ ତଦନ୍ତ ଆରମ୍ଭ କରିଛି। ଦୁଇଟି ବାଇକ୍ରେ ୪ ଜଣ ଦୁର୍ବୃତ୍ତ ଆସି ଲୁଟ୍ କରିଥିବା ଅଭିଯୋଗ ହୋଇଛି।