ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ୫୩ ନଂ ଜାତୀୟ ରାଜପଥର ମାଳପୁରା ଗାଁ ଓଭର ବ୍ରିଜ ଉପରେ ଘନ କୁହୁଡି ଯୋଗୁଁ ସିରିଜ ଦୁର୍ଘଟଣା ହୋଇଛି। ୪ ଟି ଟ୍ରକ ପରସ୍ପର ପଛକୁ ପଛ ଧକ୍କା ହୋଇଛନ୍ତି। ଯଦିଓ କେହି ମୃତାହତ ହୋଇନାହାନ୍ତି। ତେବେ ୩ ଜଣ ଡ୍ରାଇଭର ସାମାନ୍ୟ ଆହତ ହୋଇଛନ୍ତି। ସେପଟେ ସିରିଜ ଦୁର୍ଘଟଣା ଯୋଗୁଁ ଯାତାୟାତରେ ବାଧା ସୃଷ୍ଟି ହୋଇଛି। ସୁଚନା ମୁତାବକ ଗତକାଲି ଠାରୁ ସେହି ରାସ୍ତା ଉପରେ ଦୁଇଟି ପାଉଁଶ ବୋଝେଇ ଟ୍ରକ ଦୁର୍ଘଟଣା ହୋଇଥିଲା। ଫଳରେ ଆଜିର ଘନ କୁହୁଡି ଯୋଗୁ ଆଜି ଆଉ ଦୁଇଟି ପାଉଁଶ ବୋଝେଇ ଟ୍ରକ ସେହି ଦୁର୍ଘଟଣା ଦୁୁଇ ଟ୍ରକ ପଛକୁ ପଛ ଧକା ହୋଇଛି। ଘଟଣାସ୍ଥଳରେ କାମାକ୍ଷାନଗର ପୋଲିସ ପହଞ୍ଚି ଯାତାୟତ ପାଇଁ ବ୍ୟବସ୍ଥା କରୁଛି।
