ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ବାରିହାପୁର ଗାଁରେ କୋଇଲା ଟ୍ରକ ଚଳାଚଳକୁ ନେଇ ଗ୍ରାମବାସୀଙ୍କ ବିରୋଧ ଦେଖିବାକୁ ମିଳିଛି।ଯାହାକୁ ନେଇ ଗ୍ରାମବାସୀ ମାନେ ନିଜର ସମସ୍ୟାକୁ ପ୍ରଶାସନକୁ ଜଣାଇବା ସହ କୋଇଲା ଟ୍ରକ ଗୁଡିକ ଗାଁ ମଧ୍ୟରେ ଯିବାଆସିବାକୁ ବନ୍ଦ କରିବାକୁ ଦାବି କରିଛନ୍ତି। କୋଇଲା, ଟ୍ରକ ମାଧ୍ୟମରେ ପରିବହନ ଯୋଗୁଁ ଗାଁରେ ପ୍ରଦୂଷଣ ଏବଂ ଲୋକଙ୍କ ଯାତାୟାତରେ ସମସ୍ୟା ଓ କୁନି କୁନି କୋମଳମତି ପିଲାଙ୍କ ପ୍ରତି ବିପଦ ଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି। ମରିଯିବୁ ପଛେ କୋଇଲା ଟ୍ରକକୁ ଛାଡ଼ିବୁ ନାହିଁ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି । ଏ ନେଇ ବ୍ୟାପକ ପୋଲିସ ମୁତୟନ ହେବା ସହ ଲୋକଙ୍କୁ ବୁଝାସୁଝା ଜାରି ରଖିଛି ସ୍ଥାନୀୟ ପ୍ରଶାସନ। ବାରିହାପୁର ଗାଁ ଦେଇ ଟ୍ରକରେ କୋଇଲା ପରିବହନ ସମସ୍ୟାକୁ ନେଇ ଗ୍ରାମବାସୀ ମାନେ ଦୀର୍ଘ ଦିନ ହେବ ବିରୋଧ କରି ଆସୁଥିଲେ।
ଏପରିକି ପଂଚାୟତ ରୋଡ଼ରେ ଭାରୀଯାନ ଚଳାଚଳକୁ ବନ୍ଦ କରିବାକୁ ଜିଲ୍ଲାପାଳ ଏବଂ ରାଜ୍ୟ ସରକାରଙ୍କୁ ଦୃଷ୍ଟି ଆକର୍ଷଣ କରିଥିବା ଗ୍ରାମବାସୀ ସୂଚନା ଦେଇଛନ୍ତି । ଗ୍ରାମବାସୀଙ୍କ ବିରୋଧକୁନେଇ ଆଇନ ଶୃଙ୍ଖଳାକୁ ଆଖି ଆଗରେ ରଖି ଘଟଣା ସ୍ଥଳରେ ବ୍ୟାପକ ପୋଲିସ ଫୋର୍ସ ମୁତୟନ ହୋଇଛନ୍ତି।
ବାଇଟ ୧-ଅରୁଣ ସାହୁ, ସ୍ଥାନୀୟ ବାସିନ୍ଦା, ବାରିହାପୁର