ଖୋର୍ଦ୍ଧା ଜିଲ୍ଲାର ବାଘମାରୀ ଥାନା ଅଧୀନରେ ଥିବା କୋଟପଲା ଏବଂ ଓସ୍ତପୁର ଗାଁ ମଧ୍ୟରେ ସୀମା ବିବାଦକୁ ନେଇ ବୁଧବାର ଭୟାବହ ହିଂସାକାଣ୍ଡ ଘଟିଛି। ଦୁଇପକ୍ଷୀୟ ଖଣ୍ଡଯୁଦ୍ଧରେ ଦୋକାନ ଭଗାଂରୁଜା, ପୋଡାଜଳା ସହ ଟେକାପଥର ଓ କାଚ ବୋତଲ ମାଡ ହୋଇଥିଲା।
ଘଟଣା ପରେ ଅଞ୍ଚଳର ପରିସ୍ଥିତି ଉତ୍ତେଜନାପୂର୍ଣ୍ଣ ହୋଇପଡିଥିବାରୁ ବାଘମାରୀ ଥାନା ପକ୍ଷରୁ ରିପୋର୍ଟ ଆଧାରରେ ଖୋର୍ଦ୍ଧା ଅତିରିକ୍ତ ଜିଲ୍ଲାପାଳଙ୍କ ଆଦେଶରେ ହନୁମାନ ବଟିକା ଠାରୁ ବାରିକ ପୋଖରୀ ପର୍ଯ୍ୟନ୍ତ ଭାରତୀୟ ନାଗରିକ ସଂହିତା ୧୬୩ ଧାରା ଲାଗୁ କରାଯାଇଛି।
ଏହି ଧାରା ଲାଗୁ ହେବା ପରେ ବର୍ତ୍ତମାନ ପରିସ୍ଥିତି ଶାନ୍ତ ଥିବା ସୂଚନା ମିଳିଛି। ତଥାପି ସତର୍କତା ସ୍ୱରୂପ ଏକ ପ୍ଲାଟୁନ ଫୋର୍ସ ଉଭୟ ଗାଁ ଏବଂ ବଜାର ଅଞ୍ଚଳରେ ମୁତୟନ କରାଯାଇଛି।
ସ୍ଥାନୀୟ ପ୍ରଶାସନ ଅଞ୍ଚଳରେ ଶାନ୍ତି ଓ ସୁରକ୍ଷା ରଖିବା ପାଇଁ ସତର୍କ ଅବଲମ୍ବନ କରାଯାଇଛି।