ତାଳଚେର : ତାଳଚେର ଭୁବନେଶ୍ବରୀ କୋଇଲା ଖଣି ଦ୍ବାରା ଅରଖପାଳ ଗ୍ରାମକୁ ଏମ୍ସିଏଲ୍ ଦ୍ବାରା ହେବାକୁ ଥିବା ସର୍ଭେ କାର୍ଯ୍ୟକୁ ଆଜି ଗ୍ରାମବାସୀ ବିରୋଧ କରିଛନ୍ତି। ଗ୍ରାମର ସପକ୍ଷ ବାଦୀ ଓ ବିପକ୍ଷ ବାଦୀ ଦୁଇଟି ଗୋଷ୍ଠୀ ମଧ୍ୟରେ ଖଣି କାର୍ଯ୍ୟ ସର୍ଭେକୁ ନେଇ ଛକା ପଞ୍ଝା ଲାଗି ରହିଛି। ତେେବ ସପକ୍ଷ ବାଦୀ ପକ୍ଷରୁ ସର୍ଭେ କାର୍ଯ୍ୟ କରିବାକୁ ଦାବି ହୋଇ ଆସୁଥିବା ବେଳେ ଏହାକୁ ବିରୋଧ କରିଛନ୍ତି ବିପକ୍ଷ ବାଦୀ। ଗ୍ରାମର ସପକ୍ଷ ବାଦୀଙ୍କ କିଛି ମହିଳା ଓ ପୁରୁଷ ଏକତ୍ରିତ ହୋଇ ଖଣି ସର୍ଭେ କାର୍ଯ୍ୟ କରିବାକୁ ମନସ୍ଥ କରିଥିବା ବେଳେ ଅନ୍ୟ ପଟେ ଗ୍ରାମ ଶେଷ ଭାଗରେ ବିପକ୍ଷ ବାଦୀଙ୍କର ଶହ ଶହ ମହିଳା ଓ ପୁରୁଷ ଧାରଣା ଦେବା ସହିତ ବିକ୍ଷୋଭ ପ୍ରଦର୍ଶନ କରିଥିବା ଦେଖିବାକୁ ମିଳିଥିଲା। ତେବେ ବିପକ୍ଷ ବାଦୀଙ୍କ କହିବା କଥା ଏମ୍ସିଏଲ୍ ଟାଳଟୁଳ ନିତୀ ଅବଲମ୍ବନ କରି ଗ୍ରାମର କିଛି ଅଂଶକୁ ସର୍ଭେ କରିବାକୁ ଚାହୁଁ ଥିବା ବେଳେ ସମ୍ପୁର୍ଣ୍ଣ ଗ୍ରାମକୁ ସର୍ଭେ କରିବାକୁ ଦାବି କରିଛନ୍ତି। ଗ୍ରାମ କିଛି ଅଞ୍ଚଳ ଅଧିଗ୍ରହଣ କରି କିଛି ପରିବାରଙ୍କୁ ଉଚ୍ଛେଦ କରି ଖଣି କାର୍ଯ୍ୟ ଆରମ୍ଭ କଲେ ଗ୍ରାମର ବହୁମାତ୍ରାରେ କ୍ଷତି ହେବା ସହ ବଳକା ଥିବା ଅଞ୍ଚଳରେ ଗ୍ରାମବାସୀ ରହିବା ଅସମ୍ଭବ ହୋଇ ପଡ଼ିବ। ଏପରିକି ଗ୍ରାମରେ ପାନୀୟ ଜଳ ସହିତ ଖଣି କାର୍ଯ୍ୟଯୋଗୁଁ ବ୍ଲାଷ୍ଟିଂ ହୋଇ ଘର ଭାଙ୍ଗିବା ସହିତ ଜୀବନ ଦୁର୍ବିସହ ହୋଇ ପଡ଼ିବା ନେଇ ଅଭିଯୋଗ ଆଣିଛନ୍ତି।
ଅପର ପକ୍ଷରେ ଖଣି ସପକ୍ଷରେ ରହିଥିବା କିଛି ଗ୍ରାମବାସୀ ଆମ ଜମି ଖଣି ଠାରୁ ମାତ୍ର ୧୦ ମିଟର ଦୂରରେ ରହିଥିବାରୁ ଆମ ଘର ଦ୍ବାର ଭାଙ୍ଗିବା ସହିତ ପାନୀୟ ଜଳ ଦୂଷିତ ହେବାରେ ଲାଗିଛି। ଖୁବ ଶୀଘ୍ର ଆମ ଜମିକୁ ଖଣି କର୍ତ୍ତୃପକ୍ଷ ସର୍ଭେକରି ଖଣି କାର୍ଯ୍ୟ କରିବାକୁ ଦାବି କରିଛନ୍ତି। ତେବେ ଗ୍ରାମରେ ଅପ୍ରିତିକର ପରିସ୍ଥିତି ସୃଷ୍ଟିକୁ ଦେଇ ଘଟଣା ସ୍ଥଳରେ ପୁଲିସ୍ ଜଗି ରହିଥିବା ଜଣା ପଡ଼ିଛି। ଅନ୍ୟ ପଟେ ଆଜି ଏଭଳି ଅପ୍ରିତିକର ପରିସ୍ଥିତି ମଧ୍ୟରେ ଖଣି କର୍ତ୍ତୃପକ୍ଷ ସର୍ଭେ କରିବାକୁ ଆସିଥିଲେ ମଧ୍ୟ କୌଣସି ସମାଧାନ ହୋଇ ପାରିନଥିଲା।
