କେନ୍ଦ୍ରାପଡା: ଜିଲ୍ଲାର ରାଜନଗର ଅଞ୍ଚଳରେ ଥିବା ଗୋପାଳପୁର ଓ କେରଡାଗଡ ମୁଖ୍ୟ ରାସ୍ତା ନିକଟସ୍ଥ ଘୋଡାପାରିଆ ଗାଁ ଛକ ପାଖରେ ଥିବା ଏକ ବିଲ ମୁଣ୍ଡରେ ଗତ ତିନିଦିନ ଧରି ବିରାଟକାୟ ବଉଳା କୁମ୍ଭୀର ଶୋଇ ରହିଛି । କୁମ୍ଭୀରଟି ଦିନେ ବିଲ ମୁଣ୍ଡରେ ଶୋଇ ରହୁଥିବା ବେଳେ, ରାତିରେ ନିକଟସ୍ଥ ପୋଖରୀ ଓ କେନାଲରେ ପଶି ମାଛ ଶିକାର କରୁଛି ବୋଲି ସ୍ଥାନୀୟ ଲୋକେ କହିଛନ୍ତି ।
ଏହି ଘଟଣାରୁ ଗାଁ ଲୋକେ ଭୟଭୀତ ହୋଇପଡିଛନ୍ତି । ସେମାନେ କହିଛନ୍ତି, ଦିନ ହେଲେ ବିଲ ମୁଣ୍ଡକୁ ଯିବାକୁ ଭୟ ଲାଗୁଛି ଓ ଚାଷୀମାନେ ନିଜ ଧାନକ୍ଷେତରେ ପାଣି ଦେବା ପାଇଁ ବିଲ ଓ କେନାଲ ଉପରେ ନିର୍ଭର କରୁଥିବାରୁ ଏହାର ଫଳରେ ଧନଜୀବନ କ୍ଷତି ହେବାର ଆଶଙ୍କା ରହିଛି ।
ସ୍ଥାନୀୟ ଲୋକେ ବନବିଭାଗ ଅଧିକାରୀଙ୍କୁ ସୂଚନା ଦେଇ କୁମ୍ଭୀରଟିକୁ ଶୀଘ୍ର ଉଦ୍ଧାର କରି ନିକଟସ୍ଥ ନଦୀ କିମ୍ବା ବନ୍ୟଜୀବ ଅଞ୍ଚଳକୁ ଛାଡ଼ିଦେବାକୁ ଦାବି କରିଛନ୍ତି ।