୫୦ ଲକ୍ଷରୁ ଉର୍ଦ୍ଧ୍ବ ଟଙ୍କାର ୩୦ ଟି ଇଭି ଗାଡି ଜଳି ପାଉଁଶ
କୋଣାର୍କ: କୋଣାର୍କ ଥାନା ଅଧିନ କୋଣାର୍କ ଏନଏସି ମାଧିପୂର ଛକ ନିକଟ ରେ ଥିବା ଏକ “ଏଡିଏମଏସ” କମ୍ପାନୀ ର ଇଭି ଗାଡି ଶୋରୁମ ରେ ବୁଧବାର ଅପରାହ୍ଣ ରେ ଅଚାନକ ଏକ ନୂଆ ଗାଡି ମଧ୍ୟରୁ ବ୍ୟାଟ୍ରି ଫାଟି ନିଆଁ ଲାଗି ହୁହୁ ହୋଇ ଜଳିବା ଆରମ୍ଭ କରିଥିଲା ।ସୋରୁମ ର କର୍ମଚାରୀ ମାନେ ତୁରନ୍ତ ଅଗ୍ନିଶମ କୁ ୧୧୨ ନଂ ମାଧ୍ୟମରେ ଯୋଗାଯୋଗ କରିଥିଲେ ।ମାତ୍ର ୧୧୨ ସରକରୀ ବ୍ୟବସ୍ଥା ରେ ଅଗ୍ନିଶମ ଗାଡି କୁ ପଠାଇବା ରେ ବିଳମ୍ବିତ ପକ୍ରିୟା ପାଇଁ ସରୁମଧ୍ୟରେ ଥିବା ୩୦ ଗୋଟି ଗାଡି ରେ ଗୋଟିଏ ପରେ ଗୋଟିଏ ଗାଡି ନିଆଁ ଲାଗି ହୁ ହୁ ହୋଇ ଜଳିବା ସହ ବ୍ୟାଟ୍ରି ଗୁଡିକ ବହୁତ ଜୋର ରେ ବିସ୍ଫୋରିତ ହୋଇ ନିଆଁ ଉଗ୍ରରୂପ ନେଇଥିଲା । ଖବର ପାଇ ଦୀର୍ଘ ୪୫ ମିନିଟ୍ ପରେ କୋଣାର୍କ ଚମ୍ପାହର ଅଗ୍ନିଶମ ର ଦୁଇଟି ଦମକଳ ଗାଡି ପହଁଛି ନିଆଁ କୁ ଲିଭାଇ ଆୟତ୍ତ କରିବା ବେଳକୁ ସୋରୁମ ମଧ୍ୟରେ ଥିବା ସମସ୍ତ ଗାଡି ସହ ଆସବାପତ୍ର ଜଳି ପାଉଁଶ ହୋଇଯାଇଥିଲା ।ସୋରୁମ ମଧ୍ୟରେ ଥିବା ନୂତନ ୨୫ ଗୋଟି ଇ ବାଇକି ଓ ୫ ଟି ସର୍ଭିସିଂ ପାଇଁ ରକ୍ଷା ଯାଇଥିବା ପୁରୁଣା ଗାଡି ସହିତ ଆସବାପତ୍ର ର ଆନୁମାନିକ ମୂଲ୍ୟ ୫୦ ଲକ୍ଷରୁ ଉର୍ଦ୍ଧ୍ବ ଟଙ୍କା ହେବ ବୋଲି ସୋରୁମ ର ମାଲିକ ସୌମ୍ୟରଂଜନ ସ୍ୱାଇଁ ପ୍ରକାଶ କରିଛନ୍ତି । ଖବର ପାଇଁ କୋଣାର୍କ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛନ୍ତି। ନିଆଁ କିପରି ଲାଗିଲା କିଏ ଲଗାଇଲା ତାହା ତଦନ୍ତ ପରେ ଜଣା ପଡିବ ବୋଲି କୋଣାର୍କ ପୋଲିସ କହିଛି।