ବିଶ୍ୱର ସର୍ବବୃହତ୍ ଇ-କମର୍ସ କମ୍ପାନୀ ଆମାଜନ ଆଉ ଥରେ ବଡ଼ ପରିମାଣରେ କର୍ମଚାରୀ ଛଟେଇ କରିବାକୁ ଯାଉଛି। ଏଥିରେ ପ୍ରାୟ ୩୦ ହଜାର କର୍ପୋରେଟ୍ କର୍ମଚାରୀ ପ୍ରଭାବିତ ହେବେ। ଖର୍ଚ୍ଚ ହ୍ରାସ ଓ ଭବିଷ୍ୟତ ରଣନୀତି ଗଠନ ପାଇଁ ଏହି ପଦକ୍ଷେପ ନିଆଯାଇଛି।
କୋଭିଡ-୧୯ ସମୟରେ ଅନଲାଇନ୍ ସପିଂ ବଢ଼ିଥିବାରୁ ଆମାଜନ ବଡ଼ ଧରଣରେ ନିଯୁକ୍ତି କରିଥିଲା। ବର୍ତ୍ତମାନ ବଜାର ସ୍ୱାଭାବିକ ହେବା ସହିତ ଚାହିଦା ହ୍ରାସ ହେବାରୁ କମ୍ପାନୀ ତା’ର ଓ୍ବାକଫୋର୍ସକୁ ସନ୍ତୁଳିତ କରିବାକୁ ଚେଷ୍ଟା କରୁଛି।
୨୦୨୨ ଶେଷରେ ଆମାଜନ ପ୍ରାୟ ୨୭ ହଜାର କର୍ମଚାରୀଙ୍କୁ ଛଟେଇ କରିଥିଲା, ଯେଉଁଠାରେ ଏଥିବେ ହେଉଛି ସେହିପରି ସବୁଠାରୁ ବଡ଼ ଛଟେଇ। ବିଶ୍ୱଭରି ୧୫.୫ ଲକ୍ଷ କର୍ମଚାରୀ ଥିବା ଆମାଜନରେ ଏହି ୩୦ ହଜାର ଛଟେଇ ଯଦିଓ ମୋଟ ନିଯୁକ୍ତିର ଅଳ୍ପ ଅଂଶ, କିନ୍ତୁ କର୍ପୋରେଟ୍ ଗଠନ ଉପରେ ଗୁରୁତ୍ୱପୂର୍ଣ୍ଣ ପ୍ରଭାବ ପକାଇବ।
ଆମାଜନରେ ବର୍ତ୍ତମାନ ପ୍ରାୟ ୩.୫ ଲକ୍ଷ କର୍ପୋରେଟ୍ କର୍ମଚାରୀ ଅଛନ୍ତି, ଯେଉଁଥିରୁ ୧୦% ଲୋକ ଏହି ଛଟେଇରେ ପ୍ରଭାବିତ ହେବେ।