ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ୧୪୯ ନଂ ଜାତୀୟ ରାଜପଥର ବଅଁରପାଳ ଗାଁ ନିକଟରେ ରାସ୍ତା ଉପରେ ଏକ ୧୮ ଚକିଆ ଆଇରନ ବୋଝେଇ ଟ୍ରକ ଓଲଟି ଜଣେ ଡ୍ରାଇଭର ଗୁରୁତର ହୋଇଛନ୍ତି। ଗୁରୁତର ଡ୍ରାଇଭର ଜଣଙ୍କ ଝାଡାଖଣ୍ଡର ରୋହିତ ରାୱତ।ତେବେ ରୋହିତ ଟ୍ରକରେ କେନ୍ଦୁଝର ବଡ଼ବିଲରୁ ଆଇରନ ନେଇ ଢେଙ୍କାନାଳ ଯାଉଥିବା ବେଳେ ଅସାବଧାନତା କାରଣରୁ ଜାତୀୟ ରାଜପଥ ଉପରେ ଟ୍ରକଟି ଓଲଟି ପଡିଥିଲା। ଏବଂ ସେ ଟ୍ରକ ଭିତରେ ପ୍ରାୟ ଏକ ଘଣ୍ଟା ଧରି ଚାପି ହୋଇ ରହିଥିଲେ। ତାଙ୍କୁ ପରଜଙ୍ଗ ଅଗ୍ନିଶମ କର୍ମଚାରୀ ମାନେ କଟର ମେସିନ ମାଧ୍ୟମରେ କାଟି ଉଦ୍ଧାର କରିଥିଲେ। ଗୁରୁତର ଅବସ୍ଥାରେ ରୋହିତଙ୍କୁ ପରଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ।ତେବେ ତାଙ୍କ ସ୍ୱାସ୍ଥ୍ୟବସ୍ଥା ସଂକଟାପନ୍ନ ଥିବା ଜଣାପଡିଛି। ସେପଟେ ପୋଲିସ ପହଞ୍ଚି ରାସ୍ତା ଉପରୁ ଦୁର୍ଘଟଣାଗ୍ରସ୍ତ ଗାଡିକୁ ହଟାଇବା ପରେ ଯାତାୟାତ ସ୍ୱାଭାବିକ ହୋଇଛି।