ଅବ୍ଯବସ୍ଥା ଘେରରେ ରାଉରକେଲା ସରକାରୀ ଡାକ୍ତରଖାନା । ହସ୍ପିଟାଲରେ ଆବଶ୍ୟକ ଡାକ୍ତର, ନର୍ସ ଓ କର୍ମଚାରୀ ନଥିବାରୁ ଦୈନିକ ରୋଗୀ ଓ ରୋଗୀଙ୍କ ସମ୍ପର୍କୀୟ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି । ଅନ୍ୟପକ୍ଷରେ ରାଉରକେଲା ସରକାରୀ ଡାକ୍ତରଖାନାରେ ୬୬୦ କୋଟି ଟଙ୍କା ବ୍ୟୟ ଅଟକଳରେ ବିଭିନ୍ନ ଉନ୍ନତି କରଣ କାର୍ଯ୍ୟ କରିବା ପାଇଁ ପୂର୍ବ ସରକାର ଘୋଷଣା କରିଥିଲେ ସୁଦ୍ଧା ଏହା ଏପର୍ଯ୍ଯନ୍ତ କାର୍ଯ୍ଯକାରୀ ହୋଇନାହିଁ । ଡାକ୍ତରଖାନାର ବେଡ ସଂଖ୍ୟା ବୃଦ୍ଧି କରିବା ସହ ଉନ୍ନତି କରଣ କାର୍ଯ୍ୟ ତୁରନ୍ତ ଆରମ୍ଭ କରିବା ପାଇଁ ଦାବି ହେଉଛି । ୧୩୮ ଟି ଡାକ୍ତରୀ ପଦଵୀ ଆବଶ୍ୟକ ରହିଥିବା ବେଳେ ରହିଛନ୍ତି ୭୯ ଜଣ ଡାକ୍ତର । ସେହିପରି ୧୫୮ ଜଣ ନର୍ସ ପଦ ଖାଲି ରହିଛି । ଅନ୍ୟପକ୍ଷରେ ରାଉରକେଲା ସରକାରୀ ଡାକ୍ତରଖାନାରେ ଖାଲିଥିବା ଡାକ୍ତର ପଦବୀ ପୁରଣ କରାଯିବା ସହ ଉନ୍ନତି କରଣ କାର୍ଯ୍ୟ କରାଯିବ ବୋଲି ମୁଖ୍ୟମନ୍ତ୍ରୀ ରାଉରକେଲା ଗସ୍ତ ଅବସରରେ ସୂଚନା ଦେଇଛନ୍ତି ।
