ଅଦାରେ ଅନେକ ଔଷଧୀୟ ଗୁଣ ରହିଛି । ଅଦା ଗଣ୍ଠି ବିନ୍ଧା ଏବଂ ଆଲର୍ଜି ଭଳି ରୋଗକୁ ନିୟନ୍ତ୍ରଣ କରିବାରେ ପ୍ରଭାବଶାଳୀ ହୋଇଥାଏ । ତେବେ ଆସନ୍ତୁ ଜାଣିବା ଅଦା ଖାଇଲେ ଆଉ କେଉଁ ସ୍ୱାସ୍ଥ୍ୟ ଲାଭ ରହିଛି ?
ବିଶେଷଜ୍ଞଙ୍କ ମତରେ ଅଦା ପାଚନ ଏନଜାଇମ ଉତ୍ପାଦନକୁ ବୃଦ୍ଧି କରେ ଏବଂ ଖାଦ୍ୟକୁ ଶୀଘ୍ର ହଜମ କରିବାରେ ସାହାଯ୍ୟ କରେ। ଏହା ବଦହଜମି, ପେଟ ଫୁଲିବା ଏବଂ କୋଷ୍ଠକାଠିନ୍ୟ ଭଳି ସମସ୍ୟାକୁ ହ୍ରାସ କରେ । ଅଦାରେ ଜିଞ୍ଜେରାଲ୍ ନାମକ ଶକ୍ତିଶାଳୀ ପ୍ରଦାହ-ବିରୋଧୀ ଏବଂ ଆଣ୍ଟିଅକ୍ସିଡାଣ୍ଟ ଗୁଣ ରହିଛି, ଯାହା ଶରୀର ଯନ୍ତ୍ରଣା ଏବଂ ଫୁଲା କମ୍ କରିବାରେ ସାହାଯ୍ୟ କରେ। ଏହା ଗଣ୍ଠି ପ୍ରଦାହ ଏବଂ ଗଣ୍ଠି ଜନିତ ଯନ୍ତ୍ରଣାକୁ କମ୍ କରିବାରେ ବିଶେଷ ସହାୟକ। ଏହା ଋତୁସ୍ରାବ ସମୟରେ ପେଟ ଯନ୍ତ୍ରଣା ଦୂର କରିବାରେ ମଧ୍ୟ ପ୍ରଭାବଶାଳୀ ଅଟେ ।
UCLA ଦ୍ୱାରା କରାଯାଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ଅଦାରେ ଥିବା ପୁଷ୍ଟିକର ତତ୍ତ୍ୱ ଖରାପ କୋଲେଷ୍ଟ୍ରଲ୍ ସ୍ତରକୁ ହ୍ରାସ କରେ। ବିଶେଷଜ୍ଞମାନେ କହିଛନ୍ତି ଯେ ନିୟମିତ ସେବନ ରକ୍ତଚାପକୁ ହ୍ରାସ କରିପାରିବ ଏବଂ ରକ୍ତ ସଞ୍ଚାଳନକୁ ଉନ୍ନତ କରିପାରେ। ଏହା ହାର୍ଟକୁ ମଧ୍ୟ ସୁସ୍ଥ ରଖେ ଏବଂ ହୃଦରୋଗର ବିପଦକୁ ହ୍ରାସ କରେ। ଅଦା ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରେ। ଯଦି ଆପଣଙ୍କ ଖାଦ୍ୟରେ ଅଧିକ ପରିମାଣର ଅଦା ଖାଉଛନ୍ତି ତେବେ କୌଣସି ବିଶେଷଜ୍ଞଙ୍କ ପରାମର୍ଶ ନେବା ଆବଶ୍ୟକ ।