ଆଜି ପାଳିତ ହେଉଛି ୯୩ତମ ଭାରତୀୟ ବାୟୁସେନା ଦିବସ। ଏହି ଅବସରରେ ୱାର ମେମୋରିଆଲରେ ସହିଦମାନଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ସିଡିଏସ୍ ଅନୀଲ ଚୌହାନ ଓ ତିନି ସେନା ମୁଖ୍ୟମାନେ। ଏୟାରଫୋର୍ସ ଚିଫ ଏୟାର ମାର୍ଶାଲ ଏପି ସିଂ, ସ୍ଥଳସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ବିବେଦୀ ଓ ନୌସେନା ମୁଖ୍ୟ ଆଡମିରାଲ ଦିନେଶ ତ୍ରିପାଠୀ ୱାର ମେମୋରିଆଲରେ ପହଞ୍ଚି ସହିଦମାନଙ୍କ ସ୍ମୃତିକୁ ସ୍ମରଣ କରିଥିଲେ।
ଏହି ଅବସରରେ ହିଣ୍ଡନ ଏୟାରବେସରେ ଗରିମାପୂର୍ଣ୍ଣ ପରେଡ୍ ଓ ଯୁଦ୍ଧ ବିମାନ ପ୍ରଦର୍ଶନ ଅନୁଷ୍ଠିତ ହୋଇଛି। ରାଫେଲ, ସୁଖୋଇ, ମିଗ-୨୯, ସି-୭ ଗ୍ଲୋବମାଷ୍ଟର, ହରକୁଲେସ ଓ ଆପାଚେ ହେଲିକପ୍ଟର ସହିତ ଆକାଶ ମିସାଇଲ ମଧ୍ୟ ପ୍ରଦର୍ଶନ କରାଯାଇଛି।
ବିଶେଷ ଆକର୍ଷଣ ଥିଲା ଏବେ ଅବସର ନେଇଥିବା ମିଗ-୨୧, ଯାହା ଗତ ଛଅ ଦଶକ ଧରି ଭାରତୀୟ ବାୟୁସେନାକୁ ସେବା ଯୋଗାଇ ଆସିଥିଲା।
ହିଣ୍ଡନ ଏୟାରବେସ୍ ଭାରତୀୟ ପ୍ରତିରକ୍ଷା ବ୍ୟବସ୍ଥାରେ ଗୁରୁତ୍ଵପୂର୍ଣ୍ଣ କେନ୍ଦ୍ର ହେଉଥିବା ବେଳେ, ବାୟୁସେନାର ଅନେକ ମୁଖ୍ୟ ଅଭିଯାନ ଏଠାରୁ ହିଁ ପରିଚାଳିତ ହୁଏ।