ତାଳଚେର : ତିାଳଚେର କଣ୍ଢାଳ ଛକ ନିକଟ ୧୪୯ ନମ୍ବର ଜାତୀୟ ରାଜପଥର ଦୁର୍ଲଭପୁର ଠାରେ ଏକ ପାଉଁଶ ବୋଝେଇ ହାଇୱା ଟ୍ରକରେ ହତୁ ହୁତୁ ହୋଇ ଲାଗିଲା ନିଆଁ। ସର୍ଟ ସର୍କିଟରୁ ନିଆଁ ଲାଗିଥିବା ପ୍ରାଥମିକ ତଦନ୍ତରୁ ଜଣା ପଡ଼ିଛି।
ସୂଚନା ମୁତାବକ, ଆଜି ଏନ୍ଟିପିସିରୁ ହାୱବା(ଓଡ଼ି୩୫ଜେ୭୬୫୯) ଟ୍ରକଟି ପାଉଁଶ ନେଇ ପାରାଦ୍ବୀପ ଅଭିମୁଖେ ଯାଉଥିଲା। ଏହି ସମୟରେ ଦୁର୍ଲଭପୁର ଠାରେ ହାଇୱାରେ ହଠାତ ଧୂଆଁ ବାହାରି ନିଆଁ ଲାଗିଥିଲା। ଚାଳକ ଗାଡ଼ିରୁ ଉହ୍ଲାଇ ନିଆଁକୁ ଆୟତ କରିବାକୁ ଚେଷ୍ଟା କରିଥିଲେ ମଧ୍ୟ ସଫଳ ହୋଇ ନଥିଲେ। ପରେ ସ୍ଥାନୀୟ ଲୋକେ ତାଳଚେର ଅଗ୍ନିଶମ ବିଭାଗକୁ ଖବର ଦେଇଥିଲେ। ଘଟଣା ସ୍ଥଳରେ ତାଳଚେର ଅଗ୍ନିଶମ ବିଭାଗର କର୍ମଚାରୀ ପହଞ୍ଚି ନିଆଁକୁ ଆୟତ କରିଥିଲେ।ହାଇୱା ଟ୍ରକଟି ତାଳଚେର ଅଞ୍ଚଳର ମହେଶ ଅଗ୍ରୱାଲଙ୍କର ବୋଲି ଜଣା ପଡ଼ିଛି।