ତାଳଚେର ଘଣ୍ଟପଡା ଗ୍ରାମବାସୀମାନେ ଗ୍ଲୋବାଲ୍ କୋଲ୍ ୱାସରୀରେ କାର୍ଯ୍ୟରତ ଅଧିକାରୀଙ୍କୁ ତିନି-ଦଫା ସମ୍ବଳିତ ଏକ ଦାବିପତ୍ର ପ୍ରଦାନ କରିଛନ୍ତି। ଗ୍ରାମବାସୀମାନେ ସ୍ଥାନୀୟ କାଳୀମନ୍ଦିର ଛକ ଠାରୁ ଶୋଭାଯାତ୍ରା କରି ୱାସରୀ ପହଞ୍ଚି ବିକ୍ଷୋଭ ପ୍ରଦର୍ଶନ ପରେ ଏହି ଦାବିପତ୍ର ଦେଇଥିଲେ।
ଦାବିପତ୍ରରେ ସେମାନେ ଗ୍ରାମର ସମସ୍ତ ଟ୍ରକକୁ ଉଚିତ ଲୋଡିଂ ବ୍ୟବସ୍ଥା କରିବା, କାର୍ଯ୍ୟରତ କର୍ମଚାରୀଙ୍କୁ ଅନାବଶ୍ୟକ ନୋଟିସ୍ ଦେଇ ବିଦା ନକରିବା ଓ ସ୍ଥାନୀୟ ଲୋକଙ୍କ ପାଇଁ ନିଯୁକ୍ତି ସୁଯୋଗ ସୁନିଶ୍ଚିତ କରିବା ଦାବି କରିଛନ୍ତି।
ଗ୍ରାମବାସୀମାନେ ଅଭିଯୋଗ କରିଛନ୍ତି ଯେ, ସେମାନେ ଗ୍ଲୋବାଲ୍ କୋଲ୍ ୱାସରୀ ପାଇଁ ନିଜ ଜମି ଦେଇଥିଲେ ମଧ୍ୟ କମ୍ପାନୀ ସେମାନଙ୍କୁ ଆବଶ୍ୟକ ସୁବିଧା ସୁଯୋଗରୁ ବଞ୍ଚିତ କରୁଛି।
ସେମାନେ ଚେତାବନୀ ଦେଇଛନ୍ତି , ଯଦି ଆସନ୍ତା ସାତ ଦିନ ମଧ୍ୟରେ ଦାବିଗୁଡିକ ପୂରଣ ହେବନାହିଁ, ତେବେ କମ୍ପାନୀ ସମ୍ମୁଖରେ ଧାରଣା ଦେବେ।