ଜାତୀୟ ସଡ଼କ ସୁରକ୍ଷା ମାସ ପାଳନ ଅବସରରେ ତାଳଚେର ଆଞ୍ଚଳିକ ପରିବହନ କାର୍ଯ୍ୟାଳୟ ପରିସରରେ ଏକ ସ୍ବେଚ୍ଛାକୃତ ରକ୍ତଦାନ ଶିବର ଅନୁଷ୍ଠିତ ହୋଇଯାଇଛି। ଏହି ଶିବିରରୁ ମୋଟ୍ ୧୧୫ ୟୁନିଟ୍ ରକ୍ତ ସଂଗୃହିତ ହୋଇଥିଲା । ତାଳଚେର ଆଞ୍ଚଳିକ ପରିବହନ ଅଧିକାରୀ ଇଂ ନିଖିଲ କୁମାର ପଟ୍ଟନାୟକ ଏବଂ ଏମ୍ଭିଆଇ ତପନ କୁମାର ବେଟିଙ୍କ ନେତୃତ୍ବରେ ଶିବିରରେ ମୁଖ୍ୟ ଅତିଥିଭାବେ ତାଳଚେର ଏସ୍ଡିପିଓ ଭରତ ଚନ୍ଦ୍ର ସାହୁ ଯୋଗ ଦେଇଥିଲେ। ରକ୍ତର ଅଭାବକୁ ଦୃଷ୍ଟିରେ ରଖି ପରିବହନ ବିଭାଗ ପକ୍ଷରୁ ଏଭଳି ଏକ ନିଆରା ପ୍ରୟାସ କରାଯାଇଥିଲା । ଏହି ରକ୍ତଦାନ ଶିବିରରେ ବିଭିନ୍ନ ଠିକା ସଂସ୍ଥା ସହ ତାଳଚେର ଶିଳ୍ପ ତାଲିମ କେନ୍ଦ୍ରର ଛାତ୍ରଛାତ୍ରୀ ଓ ତାଳଚେର ଡ୍ରାଇଭର ମହାସଂଘର ସଦସ୍ୟ ଯୋଗଦେଇ ରକ୍ତ ଦାନ କରିଥିଲେ ।ତାଳଚେର ଆଞ୍ଚଳିକ ପରିବହନ କାର୍ଯ୍ୟାଳୟର ସମସ୍ତ କତ୍ତୃପକ୍ଷ ଓ ବିଭିନ୍ନ ସଙ୍ଗଠନ ର କର୍ମକର୍ତ୍ତା ଯୋଗଦେଇ ଏହି ଶିବିରକୁ ପରିଚାଳନା କରିଥିଲେ।