ପୁରୀ ସମୁଦ୍ରକୂଳରେ ଯୁବକଙ୍କୁ ହତ୍ୟା। ସ୍ୱର୍ଗଦ୍ୱାର ନିକଟ ଚୈତନ୍ୟ ଛକରେ ଗତକାଲି ବିଳମ୍ବିତ ରାତିରେ ଏହି ଘଟଣା ଘଟିଛି । ମୃତକ ଯୁବକ ଜଣକ ଭଦ୍ରକ ବନ୍ତ ଥାନା ଅଞ୍ଚଳର ରଞ୍ଜନ କୁମାର ଦାସ ବୋଲି ଜଣାପଡିଛି। ଛୁରୀରେ ଯୁବକଙ୍କ ବେକ କାଟି ହତ୍ୟା କରାଯାଇଥିବା ସୂଚନା ମିଳିଛି।
ରଞ୍ଜନଙ୍କୁ ବଞ୍ଚେଇବା ପାଇଁ ଉଦ୍ୟମ କରୁଥିବା ଅନ୍ୟ ଜଣେ ଯୁବକ ମଧ୍ୟ ଆହତ ହୋଇଛନ୍ତି। ଆହତ ଯୁବକ ମାନସ ରଞ୍ଜନ ନାୟକ। ସୂଚନା ମୁତାବକ, ସମ୍ପର୍କୀୟଙ୍କ ଶେଷକୃତ୍ୟ ପାଇଁ ପୁରୀ ସ୍ବର୍ଗଦ୍ବାର ଆସିଥିଲେ ରଞ୍ଜନ ଓ ମାନସ। ସ୍ଵର୍ଗଦ୍ଵାରରେ ବାହାରେ କିଛି ଯୁବକଙ୍କ ସହିତ ବଚସାରୁ ହତ୍ୟାକାଣ୍ଡ ଘଟିଥିବା ଜଣାପଡିଛି। ସମୁଦ୍ରକୂଳ ଥାନା ପୁଲିସ ଘଟଣାର ତଦନ୍ତ ଜାରି ରଖିଥିବା ଜଣାପଡିଛି।