ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ଗୋଦାରବିଲି ଠାରେ ସୁଇଜରଲ୍ୟାଣ୍ଡର ପ୍ରତିଷ୍ଠିତ ଅନୁଷ୍ଠାନ ସୁଇସ ହେଡି ଫାଉଣ୍ଡେସନ ପକ୍ଷରୁ “ଆଶ୍ୱାସ ଭବନ “ନାମକ ଏକ ଚିକିତ୍ସା କେନ୍ଦ୍ର ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କ ଦ୍ୱାରା ଉଦଘାଟିତ ହୋଇଯାଇଛି। ଜନ୍ମରୁ ୧୬ ବର୍ଷ ବୟସ ବିକଳାଙ୍ଗ ପିଲାଙ୍କ ପାଇଁ ମାଗଣାରେ ଚିକତ୍ସା ପ୍ରଦାନ କରାଯିବ ବୋଲି ଏହାର ନିର୍ଦ୍ଦେଶକ ସୂଚନା ଦେଇଛନ୍ତି।
ଚିକିତ୍ସା କ୍ଷେତ୍ରରେ ଅତ୍ୟାଧୁନିକ ଜ୍ଞାନ କୌଶଳରେ ନିର୍ମିତ ଯନ୍ତ୍ରାଂଶ ଦ୍ୱାରା ଶିଶୁଙ୍କ ଚିକିତ୍ସା କରାଯିବ। ଢେଙ୍କାନାଳର ଅଗ୍ରଣୀ ଅନୁଷ୍ଠାନ “ଶୋଭା”ର ପ୍ରତ୍ୟକ୍ଷ ସହଯୋଗରେ ଆଶ୍ୱାସ ଭବନ ପରିଚାଳିତ ହେବ। ଯେଉଁଠି ଅଭିଜ୍ଞ ଡାକ୍ତର ମାନେ ଚିକିତ୍ସିତ କରାଇବେ। ଏହି କାର୍ଯ୍ୟକ୍ରମରେ କାମାକ୍ଷାନଗର ବିଧାୟକ, ପରଜଙ୍ଗ ବିଧାୟକ, ବିଜେପି ଜିଲ୍ଲା ସଭାପତି, ଜିଲ୍ଲାପାଳ ଏବଂ ଏସପି ଉପସ୍ଥିତ ଥିଲେ।