ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ବଡ଼ ବୟାନ । ଭାରତ-ବିରୋଧୀ ମନୋଭାବ ପଛରେ ଉଗ୍ରବାଦୀଙ୍କ ହାତ। ୟୁନୁସ୍ ସରକାର ଅପରାଧୀଙ୍କୁ ପ୍ରଶ୍ରୟ ଦେଉଛନ୍ତି । ଉଗ୍ରବାଦୀଙ୍କୁ ଉତ୍ସାହିତ କରୁଥିବା ହସିନା ଅଭିଯୋଗ କରିଛନ୍ତି । ଯେଉଁମାନେ ମୋତେ ଦେଶ ଛାଡ଼ିବାକୁ ବାଧ୍ୟ କଲେ, ସେମାନେ ଏବେ କ୍ଷମତାରେ। ଭାରତ ଓ ବାଂଲାଦେଶର ସମ୍ପର୍କ ଚିରସ୍ଥାୟୀ, ଅନ୍ତରୀଣ ସରକାର ନୁହେଁ । ଏକ ସାକ୍ଷାତକାରରେ ହସିନା, ମହମ୍ମଦ ୟୁନୁସ୍ ସରକାରଙ୍କ ଉପରେ ବର୍ଷିଛନ୍ତି । ଭାରତ-ବିରୋଧୀ ମନୋଭାବ ଉପରେ କହିଛନ୍ତି ଯେ ବାଂଲାଦେଶରେ ଭାରତ ବିରୋଧରେ ଯେଉଁ ବିଦ୍ୱେଷ ସୃଷ୍ଟି କରାଯାଉଛି । ତାହା ଉଗ୍ରବାଦୀଙ୍କ ଦ୍ୱାରା ଯୋଜନାବଦ୍ଧ ଭାବେ କରାଯାଉଛି । ୟୁନୁସ୍ ସରକାର ଉଗ୍ରବାଦୀଙ୍କୁ ଉତ୍ସାହିତ କରୁଛନ୍ତି। ଯେଉଁମାନେ ଭାରତୀୟ ଦୂତାବାସ ଏବଂ ସଂଖ୍ୟାଲଘୁଙ୍କ ଉପରେ ଆକ୍ରମଣ କରୁଥିଲେ, ସେମାନଙ୍କୁ ଦଣ୍ଡ ଦେବା ବଦଳରେ ସରକାର ଗୁରୁତ୍ୱପୂର୍ଣ୍ଣ ପଦବୀରେ ବସାଉଛନ୍ତି । ଜେଲରୁ ଆତଙ୍କବାଦୀଙ୍କୁ ମୁକ୍ତ କରୁଛନ୍ତି ।
ଭାରତ ନିଜ ସୁରକ୍ଷା କର୍ମୀଙ୍କ ପାଇଁ ଯେଉଁ ଚିନ୍ତା ପ୍ରକଟ କରୁଛି, ତାହା ସମ୍ପୂର୍ଣ୍ଣ ଠିକ୍ ବୋଲି ହସିନା କହିଛନ୍ତି । ପାକିସ୍ତାନ ସହ ବାଂଲାଦେଶର ବନ୍ଧୁତା ରହିବାରେ କୌଣସି ଅସୁବିଧା ନାହିଁ, କିନ୍ତୁ ୟୁନୁସ୍ ଯେଭଳି ଭାବେ ଅନ୍ୟ ବନ୍ଧୁ ଦେଶମାନଙ୍କୁ ଦୂରେଇ ଦେଇ ପାକିସ୍ତାନ ପଛରେ ଦୌଡ଼ୁଛନ୍ତି, ତାହା ଠିକ୍ ନୁହେଁ । ୟୁନୁସ୍ ସରକାର ଜନତାଙ୍କ ଦ୍ୱାରା ନିର୍ବାଚିତ ନୁହଁନ୍ତି, ତେଣୁ ଦେଶର ବୈଦେଶିକ ନୀତି ବଦଳାଇବାର ତାଙ୍କର କୌଣସି ଅଧିକାର ନାହିଁ । ହସିନାଙ୍କ କହିବା ଅନୁସାରେ, ଯେବେ ବାଂଲାଦେଶର ଲୋକମାନେ ପୁଣିଥରେ ଭୋଟ୍ ଦେବାର ସୁଯୋଗ ପାଇବେ, ସେତେବେଳେ ବୈଦେଶିକ ନୀତି ପୁଣି ସ୍ୱାଭାବିକ ହେବ । ଭାରତ ଏବଂ ବାଂଲାଦେଶ ମଧ୍ୟରେ ଥିବା ସମ୍ପର୍କ ଅତି ଗଭୀର ଓ ଅନ୍ତରୀଣ ସରକାର ଯିବା ପରେ ମଧ୍ୟ ଏହି ବନ୍ଧୁତା ଅତୁଟ ରହିବ ।