ଅନୁଗୁଳ ସଦର ଥାନା ଅନ୍ତର୍ଗତ ଖଲାରୀ ଜାମୁବନ୍ଧ ଛକ ନିକଟରେ ରହୁଥିବା ଏକ ଘରଭିତରୁ ଜଣେ ମହିଳାଙ୍କ ମୃତଦେହ ଉଦ୍ଧାର କରିଛି ସଦର ପୁଲିସ । ମୃତ ମହିଳା ଜଣଙ୍କ ହେଲେ କୁନି ନାୟକ। ସୂଚନା ଅନୁସାରେ, ଗତ କାଲି ରାତି ୧୦ ଘଟିକା ବେଳେ କୁନିଙ୍କ ପୁଅ କାହ୍ନୁ ନାୟକ ଘରକୁ ଫେରିବା ପରେ ମାକୁ ଖୋଜିଥିଲେ ହେଲେ କାହ୍ନୁଙ୍କ ସ୍ତ୍ରୀ ମାଙ୍କ ଛାତି ପିଡା ହଉଚି ସେ ସୋଇଛନ୍ତି ତୁମେ ଚାଲ ଖାଇବ କହି ସ୍ଵାମୀକୁ ବୁଝାଇ ଖୁଆଇ ଥିଲେ । କିଛି ସମୟପରେ ସେ ଘର ବାହାରକୁ ଉଠିଥିଲେ, ସନ୍ଦେହ ଲାଗିବାରୁ ସେ ତାଙ୍କ ମା ଙ୍କ ରୁମ୍ କୁ ଯାଇଥିଲେ ହେଲେ ତାଙ୍କ ମା ଖଟ ତଳେ ରକ୍ତ ଜୁଡୁବୁଡୁ ଅବସ୍ଥାରେ ସୋଇଥିବା ଦେଖିବାକୁ ପାଇଥିଲେ, ମାକୁ ଡାକ ପକାଇଥିଲେ ହେଲେ ମା ଆଉ ତାଙ୍କ ଡାକ ଶୁଣିନଥିଲେ ସଙ୍ଗେ ସଙ୍ଗେ ସଦର ପୁଲିସକୁ କାହ୍ନୁ ଖବର ଦେଇଥିଲେ। ପୁଲିସ ପହଁଚି ତଦନ୍ତୁ ଆରମ୍ଭ କରିଥିଲା। ଆଜି ସକାଳୁ ସାଇଣ୍ଟିଫିକ ଟିମ୍ ଏବଂ ସନ୍ଧାନୀ କୁକୁର ଆସି ଅଧିକ ତଦନ୍ତ କରିବା ସହ ମୃତ ଦେହକୁ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି।